Թուրքիայում հայտնի քուրդ գործիչը կալանավորվել է

Իրավական09:24, 25 Նոյեմբեր 2016

Թուրքիայում հայտնի քուրդ գործիչը կալանավորվել է

Թուրքիայում Մարդինի համաքաղաքապետ, ազգությամբ քուրդ Ահմեթ Թյուրքը, ով օրեր առաջ բերման էր ենթարկվել, այսօր դատարանի որոշմամբ կալանավորվել է:

«BBC»-ի թուրքական ծառայության համաձայն՝ Մարդինի քուրդ քաղաքապետը կալանավորվել է երկրում հեղաշրջման փորձից հետ քրդերի դեմ իրականացվող հետապնդումների շրջանակներում: Դատախազության կողմից վերջինիս մեղադրանք է առաջադրվել «ահաբեկչական կազմակերպությանը անդամակցելու» հոդվածով: Իսկ Նոյեմբերի 17-ին Ահմեթ Թյուրքը ազատվել էր զբաղեցրած պաշտոնից:

74-ամյա Ահմեթ Թյուրքը քուրդ փորձառու քաղաքական գործիչ է, որը նախկինում գլխավորել է Թուրքիայի քրդամետ Դեմոկրատական հասարակության կուսակցությունը, եղել է Թուրքիայի Ազգային մեծ ժողովի անդամ։ 2009թ․ դեկտեմբերին Թուրքիայի Սահմանադրական դատարանը որոշում է ընդունել կուսակցությունն արգելելու վերաբերյալ՝ կառույցը մեղադրելով PKK-ի հետ կապեր ունենալու մեջ։ 2014թ․ Ահմեթ Թյուրքը պաշտոնապես անդամակցել է քրդամետ Ժողովուրդների դեմոկրատական կուսակցությանը (HDP), որի մեկ տասնյակից ավելի անդամներ, այդ թվում՝ երկու համանախագահներ Սելահաթթին Դեմիրթաշն ու Ֆիգեն Յուքսեքդաղն ավելի վաղ նույնպես ձերբակալվել էին։

Աղբյուր` Ermenihaber.am