Թուրքիայում բերման են ենթարկվել «BBC»-ի և Ամերիկայի ձայնի թղթակիցները

Իրավական08:13, 28 Նոյեմբեր 2016

Թուրքիայում բերման են ենթարկվել «BBC»-ի և Ամերիկայի ձայնի թղթակիցները

Նոյեմբերի 26-ին Թուրքիայի Սիիրթ և Դիարբեիքիր նահանգներում բերման ենթարկվել «BBC»-ի թուրքական և «Ամերիկայի ձայն»-ի քրդական ծառայությունների թղթակիցները:

Ինչպես փոխանցում է «CNNTurk»-ը, Սիիրթում «BBC»-ի թղթակից Հաթիջե Քեմերը, ով նաև հանդիսանում է «Հարավարևելյան լրագրողների համայնք» կազմակերպության հիմնադիր անդամը, թուրք իրավապահ մարմինների կողմից բերման էր ենթարկվել Շիրվան շրջանի Մադեն գյուղում փլուզված պղնձի հանքահորի մոտ նկարահանումներ անելու պահին:

Նշվում է, որ նա ոստիկանական բաժնում ցուցմունք տալուց հետո ազատ է արձակվել: Աղբյուրը տեղեկացնում է, որ լրագրողը ազատության մեջ հայտնվելով, ասել է, որ իրեն չի ասվել, թե ինչ պատճառով է բերման ենթարկվել:

Հայտնի չէ նաև Դիարբեքիրում «Ամերիկայի ձայն»-ի թղթակից Խաջիջան Ֆարքինի բերման ենթարկելու պատճառը: Վերջինիս հարազատներին թուրք իրավապահ մարմինները որևէ բացատրություններ չեն տվել: Ֆարիքին նույնպես ցուցմունք տալուց հետո բաց են թողել:

Աղբյուր` Ermenihaber.am