Գերմանական «Otto Group»-ի թուրքական մասնաճյուղի ղեկավարները կասկածվում են գյուլենականների հետ կապի մեջ

Իրավական07:34, 30 Նոյեմբեր 2016

Գերմանական «Otto Group»-ի թուրքական մասնաճյուղի ղեկավարները կասկածվում են գյուլենականների հետ կապի մեջ

Թուրքիայում շարունակվում է գյուլենականների որսը: «Sputnik»-ի թուրքական ծառայության տեղեկացմամբ՝ այս անգամ հակագյուլենական գործողությունների թիրախ է դարձել համբուրգյան «Otto Group» ընկերության թուրքական մասնաճյուղը հանդիսացող «ECE»-ն, որին պատկանում են բազմաթիվ առևտրի կենտրոններ Թուրքիայում:

Ըստ գերմանական մամուլում տեղ գտած լուրերի՝ «Otto Group»-ը ստիպված է եղել չեղարկել Ստամբուլի նահանգի Ումրանիե շրջանում գտնվող «Modern East» առևտրի կենտրոնի հետ ունեցած իր բիզնես պայմանագիրը: «ECE Թուրքիա» ընկերության սեփականատերերը կասկածվել են «Գյուլենական համայնքի» հետ կապ ունենալու մեջ: Այդ պատճառով ընկերության համար հոգաբարձու է նշանակվել:

«ECE»-ի գերմանացի տնօրեն Անդրեաս Հոհլմանը հաստատել է ընկերության համար հոգաբարձու նշանակվելու փաստը: Նա հայտարարել է, որ իրենք այլևս չեն ցանկանում շարունակել «Modern East» Առևտրի կենտրոնի աշխատանքները:

Հիշեցնենք, որ հեղաշրջման փորձից հետո Թուրքիայում ահաբեկչական խմբավորում համարվող «Գյուլենական համայնքի» (FETÖ) հետ կապի մեջ կասկածանքով հազարավոր մարդիկ պարբերաբար հեռացվում են աշխատանքից, ձերբակալվում ու բանտարկվում: Բազմաթիվ ամենատարաբնույթ հաստատությունների ու կազմակերպությունների գործունեությունը դադարեցվում է կամ նրանց ղեկավարների փոխարեն հոգաբարձուներ են նշանակվում:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։