Թուրք դատախազը պահանջել է կասեցնել «Մավի Մարմարայի» գործով դատը

Իրավական12:59, 02 Դեկտեմբեր 2016

Թուրք դատախազը պահանջել է կասեցնել «Մավի Մարմարայի» գործով դատը

Թուրք դատախազը պահանջել է կասեցնել «Մավի Մարմարայի» գործով դատը: Թուրքական «Sondakika.com» լրատվակայքի տեղեկացմամբ՝ այս առաջարկը հիմնավորվել է այն փաստով, որ Թուրքիայի և Իսրայելի միջև փոխհատուցման վերաբերյալ պայմանագիր է ստորագրվել:

Ստամբուլի ծանր հանցագործությունների գործերով քրեական դատարանում կայացած նիստին ներկա են եղել միայն կողմերի ներկայացուցիչները: Գործով 4 մեղադրյալները ՝ Իսրայելի նախկին ԶՈՒ գլխավոր շտաբի պետ Ռաու Ալուֆ Գաբիել Աշխնազը, ռազմածովային ուժերի հրամանատար Էլիեզեր Ալֆրեդ Մարոմը, հետախուզության պետ Ամոս Յադլինը և ռազմաօդային ուժերի հրամանատար Ավիշայ Լևին, դատական նիստին ներկա չեն եղել:

Ավելի վաղ վերջիններիս համար առանձնակի դաժանությամբ սպանության մեղադրանքով 9 անգամ ծանր ռեժիմի ցմահ բանտարկություն էր պահանջվել: Բացի այդ, կողոպուտի, ազատության սահմանափակման, հրազենային վիրավորում հասցնելու մեղադրանքով յուրաքանչյուրին ընդհանուր առմամբ 18.032 տարի ազատազրկում էր սպառնում:

Հիշեցնենք, որ 2010թ. մայիսի 31-ին դեպի Գազա մարդասիրական օգնություն տեղափոխող թուրքական «Մավի Մարմարա» նավի վրա հարձակվել էին իսրայելական ուժերը: Կողմերի միջև ծագած զինված բախումից Թուրքիայի 10 քաղաքացի էր զոհվել:

Միջադեպը երկու երկրների միջև դիվանագիտական հարաբերությունների խզման պատճառ էր հանդիսացել: Թուրքիայի և Իսրայելի հարաբերությունները վերականգնվեցին միայն 2016թ. սեպտեմբերին, երբ կողմերի միջև պայմանավորվածություն ձեռք բերվեց՝ զոհվածների ընտանիքներին Իսրայելի կողմից 20 մլն դոլար փոխհատուցում վճարելու մասին: Դրանից հետո Թուրքիան և Իսրայելը փոխադարձաբար նոր դեսպաններ նշանակեցին:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։