The Economist. Թուրքիան տնտեսական աճով 2017-ին առաջ կանցնի Մեծ Բրիտանիայից և Ֆրանսիայից

Տնտեսական13:40, 13 Դեկտեմբեր 2016

The Economist. Թուրքիան տնտեսական աճով 2017-ին առաջ կանցնի Մեծ Բրիտանիայից և Ֆրանսիայից

Բրիտանական «The Economist» հանդեսը կանխատեսումներ է արել 2017թ. համաշխարհային էկոնոմիկայում սպասվող արդյունքերի մասին: Ըստ այդմ՝ 2017 թվականը տնտեսական առումով լինելու է «ոչ հզոր աճի տարի»:

Այդ կանխատեսումների համաձայն՝ Թուրքիան իր 3.3 տոկոսանոց տնտեսական աճով առաջ կանցնի Մեծ Բրիտանիայից, Գերմանիայից ու Ֆրանսիայից: Նշվում է, որ 2017թ. համաշխարային տնտեսության ուղղությունը որոշվելու է քաղաքական զարգացումներով, որոնցից է օրինակ Դոնալդ Թրամփի ԱՄՆ-ի նախագահ դառնալը:

Եթե վերջինս իր խոստումները կատարի, որը ենթադրում է մաքսային արգելքների վերացում, ապա համաշխարհային առևտրի ենթակառուցվածքների ծախսերը կմեծանան, դրանով իսկ համաշխարհային տնտեսական հավասարակշռությունը կփոխվի:

Տնտեսական առումով իրենց ազդեցությունը կունենան նաև Գերմանիայում և Ֆրանսիայում կայանալիք ընտրությունները: Տնտեսական աճ կգրանցի Աֆրիկայում, Ասիայում (5.2%)` Մերձավոր Արևելքում (3%):

Ընդ որում Աֆրիկայի երկու մասերում ըստ այս կանխատեսումների` տարբեր տնտեսական ծավալների աճ է սպասվում: Եթե Ենթասահարական Աֆրիկայում տնտեսական աճը կկազմի 3 տոկոս, ապա Հյուսիսային Աֆրիկայում այդ թիվը կհասնի 2.8 տոկոսի:

Աղբյուր` Ermenihaber.am