«Կիլիկիա» երգի անզուգական կատարումը՝ հայ և թուրք երաժիշտների մեկնաբանությամբ (տեսանյութ)

Մշակութային09:11, 15 Դեկտեմբեր 2016

«Կիլիկիա» երգի անզուգական կատարումը՝ հայ և թուրք երաժիշտների մեկնաբանությամբ (տեսանյութ)

Համացանցում հայտնվել է հայկական հայտնի «Կիլիկիա» երգի յուրօրինակ կատարումը՝ հայ և թուրք երաժիշտների մեկնաբանությամբ:

Պատմական հայրենիքի հանդեպ հայերի կարոտն ու սերը արտահայտող և ժողովրդի կողմից մեծ սեր վայելող «Կիլիկիա» երգը մինչ այսօր կատարվել է շատ երաժիշտների կողմից: Սակայն այս մեկը նախորդներից տարբերվում է նրանով, որ երգի երաժշտական ձևավորմանը և նորովի մեկնաբանմանը մասնակցել են թուրք երաժիշտներ:

Կատարումը «The Beautified Project» ռոք խմբի, պոլսահայ երգչուհի Սիբիլի և ժողովրդական նվագարանների թուրք կատարողներ Գյոքսել Բաքտագիրի, Բուրաք Մալչոքի, Օսման Յուրդալ Թոքջանի և Մերթ Էլմասի համագործակցության արդյունքում է ծնվել:

Առաջին անգամ այն հանդիսատեսին է ներկայացվել նախորդ տարի՝ վերոնշյալ երաժիշտների մասնակցությամբ Երևանում տեղի ունեցած «Ներդաշնակության մեղեդի» խորագրով համերգի ժամանակ:

Նշենք, որ Ն. Ռուսինյանի «Կիլիկիա» բանաստեղծության (1860 թ.) հիման վրա գրված երգը հաստատուն տեղ ունի մեր ժողովրդի հիշողության մեջ, շնորհիվ հայրենասիրական ոգու և անկեղծ ներշնչանքի: Երգի երաժշտության հեղինակը Գաբրիել Երանյանն է։

Աղբյուր` Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։