Քաղաքական12:02, 16 Դեկտեմբեր 2016
The Economist .«Էրդողանը Թուրքիայում տիրող քաոսի պատճառներից մեկն է»
Բրիտանական «The Economist» շաբաթաթերթը Թուրքիայի ներքին դրության և վերջին զարգացումների վերաբերյալ ուշագրավ հոդված է հրապարակել: Թուրքական ընդդիմադիր «Cumhuriyet» թերթի կայքի տեղեկացմամբ՝ հոդվածը կրում է «Թուրքիայի վերջին պայթյունները կնպաստեն, որպեսզի նախագահը էլ ավելի մեծ ուժ կենտրոնացնի իր ձեռքում» վերնագիրը:
Հոդվածում նշվում է, որ Բեշիքթաշի ահաբեկչության առաջին գործողությունը կատարվել է 400 կգ. պայթուցիկ նյութով բեռնված մեքենայի պայթեցման միջոցով: Իսկ դրանից վայրկյաններ անց դեպքի վայրից քիչ հեռու գտնվող այգում մահապարտը պայթեցրել է ինքն իրեն: Երկու դեպքում է տուժել են հատկապես մոտակայքում գտնվող ոստիկանության և անվտանգության աշխատակիցները:
Աղբյուրը հիշեցնում է, որ ահաբեկչության պատասխանատվությունը ստանձնել է «Քուրդիստանի ազատության բազեներ» (TAK) խմբավորումը, որը համարվում է «Քուրդիստանի բանվորական կուսակցության» (ՔԲԿ-PKK) թևերից մեկը: Իսկ կառավարությունը խոստացել է ոչնչացնել ՔԲԿ-ին:
«Թուրքիայի նախագահ Ռեջեփ Թայիփ Էրդողանը կարծում է, թե Թուրքիայում ստեղծված խառնաշփոթի կարգավորման միակ ճանապարհը ողջ իշխանությունը սեփական ձեռքերում կենտրոնացնելն է: Ահաբեկչությունից ժամեր առաջ վարչապետ Բինալի Յըլդըրըմը հրապարակեց սահմանադրական փոփոխությունների առաջարկը, որը հնարավորություն կտա իրագործելու այդ նպատակը: Փոփոխությունների արդյունքում վարչապետի պաշտոնը կվերանա, իսկ երկրի նախագահը կստանա գործադիր մարմնի կարգավիճակ: Այդպես Էրդողանը իրավունք կստանա նշանակելու բարձրաստիճան պաշտոնյաների, արտակարգ դրություն հայտարարելու և օրենքի ուժ ունեցող որոշումներ հրապարակելու: Գարնանը իրականացվելիք հանրաքվեից առաջ նախագիծը պետք է վավերացվի նաև խորհրդարանի կողմից»,- գրում է շաբաթաթերթը:
Հոդվածում նշվում է, որ հուլիսի 15-ի ձախողված հեղաշրջման փորձը որպես պատրվակ է օգտագործվում՝ 40.000 մարդու ձերբակալությունը արդարացնելու նպատակով:
«Էրդողանը կարծում է, թե միայն ինքը կարող է վերացնել Թուրքիայի բոլոր անկյունները պարուրած քաոսը, մինչդեռ իրականում քաոսի պատճառներից մեկը հենց նա է: Էրդողանը դադարեցրեց ՔԲԿ-ի հետ տարվող հաշտության բանակցությունները և, ի պատասխան 2015թ. անվտանգության ուժերի վրա ՔԲԿ-ի հարձակումների, կալանավորեց քուրդ քաղաքական գործիչներին՝ դրանով էլ ավելի բորբոքելով լարվածությունը: Նա փոշիացրեց հարավարևելյան քաղաքները՝ տեղահանելով շուրջ 500.000 բնակչի»,- ամփոփում է բրիտանական թերթը:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |