Թուրքական դատարանների զավեշտալի վճիռները

Իրավական08:20, 16 Դեկտեմբեր 2016

Թուրքական դատարանների զավեշտալի վճիռները

Թուրքական «Sondakika» լրատվական կայքը ներկայացրել է թուրքական դատարանների ընդունած ամենազավեշտալի վճիռներից մի քանիսը։
Այսպես օրինակ.

1. Էրզրումում էլեկտրաէներգիայի հաշվիչի կնիքը վնասելու համար 77-ամյա տարեց կնոջը մեղավոր ճանաչած դատարանը նրան զրկել է 5 ամիս հարսանիք գնալու իրավունքից։

2. Քաղաքացուն մարմնական վնասվածք հասցնելու մեղադրանքով դատվող տղամարդու նկատմամբ դատարանը 2 ամսի 15 օր ազատազրկման վճիռ է կայացրել։ Սակայն մեղադրյալը ազատ է արձակվել ՝այն պայմանով, որ պատիժը կրելու ժամանակահատվածում վերջինս առանց կնոջ պետք է չգնա սրճարան, ռեստորան կամ նմանատիպ այլ զվարճանքի վայր, ինչպես նաև իրավունք չունի հասարակական վայրերում մարզական հաղորդումներ դիտել։

3. Հոր մեքենան գողանալուց և վթարի ենթարկելուց հետո ոստիկանությանը սուտ ցուցմունք տալու համար անչափահաս Մ. Է.-ին դատարանը զրկել է 5 տարի ինտերնետ սրճարան մտնելու իրավունքից։

4. Բոդրումում էրեկտրաէներգիա գողանալու մեղադրանքով դատվող 3 տղամարդուն դատարանը որպես պատիժ պարտադրել է 230 եղևնի տնկել։

5. Փախստականներին ապօրինի ճանապարհով սահմանը խախտելու մեջ աջակցելու համար մեղադրվողին դատարանը զրկել է ծով մտնելու իրավունքից։ Ըստ վճռի՝ մեղադրյալը որոշակի ժամանակահատվածում իրավունք չունի մոտենալ ծովին և առհասարակ այցելել ծովափնյա վայրեր։

6. Կրկին էրզրումում էլէկտրանէներգիայի գողության մեջ մեղադրվող կնոջը դատարանը զրկել է 6 ամիս հարևանի տուն գնալու իրավունքից։

7. Անկարայում մի կին դատի է տվել իր ամուսնուն իրեն ծեծի ենթարկելու, վիրավորելու, ինչպես նաև անձնական հիգիենան չպահպանելու, ատամները չլվալու համար։ Դատարանը կնոջ նկատմամբ բռնություն գործադրելու համար տղամարդու նկատմամբ 6 ամսով կնոջից հեռու մնալու վճիռ է կայացրել։ Վճռում նաև գրված է եղել, որ տղամարդը այլևս տանը պետք է չծխի, պետք է հետևի իր մարմնի և ատամների մաքրությանը, ինչպես նաև կնոջ ու երեխաների նկատմամբ հոգատարություն ցուցաբերի։

8. Նախագահ Էրդողանին վիրավորելու համար երիտասարդական կուսակցության ղեկավար Ջեմ Ուզանին դատարանը պարտադրել է զայրույթի կառավարման թերապիայի մասնակցել և 5 գիրք կարդալ։

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։