Միջազգային12:35, 21 Դեկտեմբեր 2016
Թուրքիայի և Մաքսային միության միջև պայմանագրի շրջանակները կընդլայնվեն
Եվրամիությունը (ԵՄ) քայլեր է ձեռնարկում՝ Թուրքիայի և Մաքսային միության միջև պայմանագրի շրջանակների ընդլայնման ուղղությամբ: Թուրքական «Star» թերթի կայքի տեղեկացմամբ՝ ԵՄ անդամ պետությունները Թուրքիայի և Մաքսային միության միջև 1995թ. կնքված պայմանագրի վերանայման լիազորությունը պաշտոնապես փոխանցել են Եվրահանձնաժողովին:
Քննարկման դրվելիք նոր պայմանագրի մանրամասները կհրապարակվեն այսօր՝ Եվրահանձնաժողովի փոխնախագահի կողմից կազմակերպվելիք մամուլի ասուլիսի ժամանակ: Կատարվելիք փոփոխությունների շնորհիվ Թուրքիան հնարավորություն կստանա եվրոպական երկրներ արտահանել գյուղատնտեսական և արդյունաբերական ապրանքներ՝ առանց մաքսային սահմանափակումների:
Գրեթե բոլոր գյուղատնտեսական ապրանքները մուտք կգործեն եվրոպական շուկա: Թուրքիան հնարավորություն կստանա նաև մասնակցելու Եվրամիության տարածքում կազմակերպվող պետական աճուրդներին: Միևնույն ժամանակ, ԵՄ անդամ երկրները կարող են մեծացնել իրենց ներդրումները Թուրքիայում: Եվրամիության և երրորդ երկրների միջև կնքվելիք առևտրական պայմանագրերը այսուհետև կներառեն նաև Թուրքիան:
Նշենք, որ ներկայումս Մաքսային միության պայմանագրի շրջանակները բավականին նեղ են: Մի շարք ապրանքներ չեն վաճառվում ԵՄ երկրներին:
Նախատեսված է, որ նոր պայմանագրի վերաբերյալ բանակցությունները կտևեն շուրջ երկու տարի և կավարտվեն 2018թ.: Ակնկալվում է, որ պայմանագրի ընդլայնված տարբերակի շրջանակներում Թուրքիայի և ԵՄ-ի միջև առևտրաշրջանառությունը 10 տարում 50 տոկոսով կմեծանա:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |