Իրանի սպորտի նախարարությունը իրանցի մարզիկներին արգելել է մեկնել Թուրքիա

Իրավական08:45, 21 Դեկտեմբեր 2016

Իրանի սպորտի նախարարությունը իրանցի մարզիկներին արգելել է մեկնել Թուրքիա

Իրանի Իսլամական Հանրապետության (ԻԻՀ) սպորտի նախարարությունն անորոշ ժամանակով արգելել է իրանցի մարզիկներին և մարզական թիմերին մեկնել Թուրքիա: Արգելքը կգործի մինչև կլինի հավելյալ ծանուցում:

Ըստ թուրքական «Yenisafak» պարբերականի` նախարարությունը վերոնշյալի կապակցությամբ հրահանգ է ներկայացրել Իրանի սպորտային բոլոր ֆեդերացիաներին: Այդ թեմայով Անկարայում Իրանի դեսպանատնից պարզաբանումներ է ստացել իրանական «İRNA» լրատվական գործակալությունը:

Զրույցում մասնավորապես ասվել է, որ նման արգելքի համար, պատճառ է հանդիսացել Թուրքիայում տիրող ներկայիս իրավիճակը, ինչպես նաև անվտանգության հետ կապված որոշակի խնդիրները:

Ի դեպ, Իրանի արտաքին գործերի նախարարությունը երեկ իր քաղաքացիներին հորդորել է չմեկնել Թուրքիա, եթե չկա հրատապ անհրաժեշտություն:

Աղբյուրը նաև տեղեկացնում է, որ մի քանի օր առաջ Իրանի ֆուտբոլի առաջնության շրջանակներում տեղի ունեցած Թրաքթյորսազի-Սեփահան ֆուտբոլային թիմերի հանդիպման ժամանակ երկպրագուների մի մասը Թուրքիայի օգտին վանկարկումներ էին հնչեցրել: Իրանի պետական հեռուստաընկերությունն էլ դրանից հետո ընդհատել էր ֆուտբոլային խաղի հեռարձակումը:

Հիշեցնենք, որ ռուս դեսպանի սպանությունից հետո Իրանը նախօրեին ժամանակավորապես փակել էր իր հյուպատոսարանները Թուրքիայում:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։