Իրավական07:12, 12 Հունվար 2017
Թուրքիայում առանձնապես խոշոր ներդրում կատարողները քաղաքացիություն կստանան
Թուրքիայի պաշտոնական թերթի այսօրվա համարում տեղ գտած տեղեկության համաձայն՝ փոփոխություններ է մտցվել Թուրքիայի քաղաքացիության մասին օրենքում: Թուրքական «Hürriyet» թերթի կայքի տեղեկացմամբ՝ այսուհետ օտար երկրների այն քաղաքացիները, ովքեր Թուրքիայում առնվազն 2 մլն դոլարի ներդրում կանեն կամ ձեռք կբերեն առնվազն 1 մլն դոլար արժողությամբ անշարժ գույք, կստանան քաղաքացիություն: Միակ պայմանն այն է, որ ձեռք բերված անշարժ գույքը հաջորդ երեք տարիների ընթացքում չպետք է վաճառվի:
Թուրքիայի քաղաքացիություն կտրվի նաև այն անձանց, ովքեր այս երկրում գործող բանկերում առնվազն 3 մլն դոլարի երեք տարի ժամկետով ներդրում կանեն կամ 3 տարի ժամկետով ձեռք կբերեն 3 մլն դոլար արժողությամբ պետական պարտատոմսեր: Քաղաքացիություն ստանալու համար բավարար կինի վերը նշված հանգամանքները ապացուցող համապատասխան փաստաթղթերի առկայությունը:
Վերոնշյալ օրենքում կատարված փոփոխության շնորհիվ Թուրքիայի քաղաքացիություն կստանան նաև այն անձիք, ովքեր այս երկրում առնվազն 100 նոր աշխատատեղ կստեղծեն: Այս հանգամանքը ևս անհրաժեշտ է ապացուցել համապատասխան փաստաթղթերով:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ Էրդողանի՝ ռուս-ուկրաինական պատերազմը ցույց տվեց, որ արտաքին ռեսուրսներից կախվածությունը լուրջ խնդիր է էներգետիկ ոլորտում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |