Թուրքական դատախազությունը ընդդիմադիր պատգամավորի համար 103 տարվա ազատազրկում է պահանջել

Իրավական13:18, 16 Հունվար 2017

Թուրքական դատախազությունը ընդդիմադիր պատգամավորի համար 103 տարվա ազատազրկում է պահանջել

Թուրքիայի Շըրնաք նահանգի հանրապետական դատախազության կողմից իրականացվող հետաքննության շրջանակներում ձերբակալված քրդամետ «Ժողովուրդների դեմոկրատական կուսակցության» (HDP-ԺԴԿ) կին պատգամավոր Նուրսել Այդողանի նկատմամբ ընդհանուր առմամբ 103 տարվա պատժաչափի պահանջով դատավարություն է բացվել:

Ըստ թուրքական «Dogan» լրատվական գործակալության` դատախազության հրապարակած մեղադրական եզրակացության հիման վրա Այդողանի վերաբերյալ դատավարություն կսկսվի հետևյալ մեղադրանքներով` «Զինված կազմակերպության անդամ լինել», 14 անգամ «կազմակերպության օգտին քարոզչություն իրականացնել», 2 անգամ «հանցագործին և հանցագործությունը գովել», «Ժողովրդին թշնամության դրդել» և «ժողովրդին օրենքներին չենթարկվելու դրել»:

Նշվում է, որ գործն ուղարկվել է Դիարբեքիրի դատախազություն, քանի որ վերջին հանցագործությունը կատարվել է այդ նահանգում:

Աղբյուրն ավելացրել է, որ օրեր առաջ տեղի ունեցած մեկ այլ դատավարության շրջանակներում «զինված կազմակերպության անդամ լինելու և այդ կազմակերպության անունից հանցանք գործելու» հոդվածով Այդողանն արդեն իսկ դատապարտվել է 4 տարի 8 ամիս ազատազրկման:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։