Մշակութային09:55, 16 Հունվար 2017
Թուրքիայում հայկական Սուրբ Գևորգ վանական համալիրը անհետացման եզրին է
Էլազըղում (պատմական Խարբերդ) գտնվող հայկական Սուրբ Գևորգ վանական համալիրը անմխիթար վիճակում է: Թուրքական «Evrensel.net» լրատվակայքի տեղեկացմամբ՝ Էլազըղի Շահինքայա գյուղում գտնվող համալիրի բոլոր կառույցներն ավերվել են: Ներկայումս կանգուն է միայն մի կիսավեր եկեղեցի, որի սյուները ճաքել են, իսկ կառույցի ներսն ուղղակի տակնուվրա է արված:
6-րդ դարի այս վանական համալիրը նախկինում ունեցել է իր եկեղեցին, բաղնիքը, որբանոցը, գերեզմանատունը: Այն զբաղեցրել է գյուղի վերին հատվածում գտնվող բավական ընդարձակ մի տարածք: Սուրբ Գևորգ համալիրն իր կառուցման օրից հարյուրավոր սաներ է ունեցել: Իսկ Հայոց ցեղասպանությունից հետո երկար ժամանակ ապաստան է տվել այստեղ եկող գաղթականների անվերջ հոսքին:
«Միություն և առաջադիմություն» (İttihat ve Terakki) կուսակցության ժամանակաշրջանում վանական համալիրը հանձնվել է Բիթլիսից եկած զինվոր Սադըք Էքրեմին: Էքրեմն ու իր զինվորները անխնա փորփրել են համալիրի տարածքը՝ գանձեր գտնելու հույսով: Տեղացիների խոսքով՝ վանական համալիրը տարբեր ժամանակներում պարբերաբար ենթարկվել է գանձախույզների հարձակումներին, ինչի հետևանքով անխնա ավերվել է:
Գյուղի բնակիչների վկայությամբ՝ մինչև 1990-ական թվականները եկեղեցու պատերին եղել են հսկա խաչեր և մի ձիավորի պատկեր, որոնք այնուհետև անհայտ անձանց կողմից առանց պատճառի քանդվել, ոչնչացվել են:
Թուրքիայի շրջակա միջավայրի և մշակութային ժառանգության պահպանության հիմնադրամը (ÇEKÜL) շուրջ 35 տարի առաջ վանական համալիրի պահպանման հայտ է ներկայացրել: Դրանից հետո Էլազըղի քաղաքապետարանն ու Հնագիտության ու էթնոգրաֆիյաի թանգարանը հաշվառման են առել համալիրի տարածքը:
Սակայն դրանից հետո հայկական Սուրբ Գևորգ վանական համալիրի պահպանման կամ վերականգնման ուղղությամբ որևէ աշխատաք չի կատարվել: Թերևս, կարելի է նշել միայն այն, որ համալիրից կանգուն մնացած միակ կառույցը՝ կիսավեր եկեղեցին ու նրան շրջապատող փոքրիկ հողակտորը, ցանկապատվել է փշալարերով ու այդպես էլ մոռացության մատնվել:
Այս ենթաբաժնի վերջին նորությունները
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Թուրքիայում կառուցված մզկիթների թիվը հասնում է 89.000-ի։
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Ռամադանի միայն 5-րդ օրը գրանցվել է ընդհանուր առմամբ 583 ավտոպատահար։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Ստամբուլի քաղաքապետ Էքրեմ Իմամօղլուի ձերբակալումից հետո Թուրքիայի տարբեր քաղաքներում բազմամարդ ցույցեր են: Ընդդիմադիրները ժողովրդին կոչ են անում փողոց դուրս գալ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |