Քուրդ կուսակցապետը բանտից նամակ է հղել Դինքի մահվան տարելիցի կապակցությամբ

Հասարակական11:14, 19 Հունվար 2017

Քուրդ կուսակցապետը բանտից նամակ է հղել Դինքի մահվան տարելիցի կապակցությամբ

Թուրքիայում լույս տեսնող հայկական «Ակօս» թերթի հիմնադիր և գլխավոր խմբագիր Հրանտ Դինքի սպանության 10-րդ տարելիցի կապակցությամբ կալանավայրից նամակ է հղել Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) առաջնորդ Սելահեթթին Դեմիրթաշը:

«Ակօս»-ի կայքում զետեղված գրության մեջ մասնավորապես ասվում է.

«Արդեն 10-րդ տարին է, որ Հրանտ Դինքը մեզ հետ չէ: Անցած 10 տարիների ընթացքում, ցավոք, չկարողացանք մեր երկիրը դարձնել այնպիսի երկիր, որտեղ բոլորը կարող են ազատ ապրել: Այդ պատճառով Հրանտի առջև ամոթով ենք մնացել: Սակայն մենք ծնկի չենք եկել»:

Դեմիրթաշը շեշտել է, որ այսքան ժամանակ չի բացահայտվում Դինքի սպանողների ու նրանց հետ կապված անձանց անունները, բայց բոլորը գիտեն մարդասպանին, ինչպես որ գիտեն Անկարայի, Ռոբոսկիի ու Սուրուչի ահաբեկչությունների մեղավորներին:

Բանտից ուղարկված նամակ-հայտարարության վերջում Դեմիրթաշն ափսոսանք է հայտնել Դինքի հիշատակի արարողություններում մասնակցելու հնարավորություն չունենալու համար` նշելով, որ կալանավայրում ևս շարունակում է պայքարը Հրանտի համար:

«Ախպարիգ, կարոտում ենք քեզ, բայց գլուխներս բարձր է, ինչպես որ դու էիր ուզում… »,-եզրափակել է Դեմիրթաշը:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։