Հանրապետական Թուրքիայի պատմության մեջ եղել է 6 հանրաքվե

Իրավական06:59, 23 Հունվար 2017

Հանրապետական Թուրքիայի պատմության մեջ եղել է 6 հանրաքվե

2017թ. գարնանը Թուրքիայում սահմանադրական փոփոխությունների հանրաքվե կանցկացվի: Հանրաքվեի օրը հստակեցված չէ, բայց հայտնի է, որ այն կանցկացվի մարտի վերջին կամ ապրիլի սկզբին:

Թուրքական «Habertürk» լրատվակայքի տեղեկացմամբ՝ դա կլինի հանրապետական Թուրքիայի պատմության մեջ 7-րդ հանրաքվեն: Իսկ 2002թ. իշխանության եկած «Արդարություն և զարգացում» կուսակցության (ԱԶԿ-AKP) կառավարման ընթացքում սա արդեն 3-րդ հանրաքվեն է լինելու:

Թուրքիայում սահմանադրական փոփոխություններն առաջին անգամ հանրաքվեին են դրվել 1961թ. հուլիսի 9-ին, երբ ընտրողների 61.7 տոկոսը կողմ արտահայտվեց փոփոխությունների փաթեթին:

Այնուհետև տարբեր խնդիրների վերաբերյալ հանրաքվեներ են անցկացվել 1982թ. նոյեմբերի 7-ին, 1987թ. սեպտեմբերի 6-ին, 1988թ. սեպտեմբերի 25-ին, 2007թ. հոկտեմբերի 21-ին և 2010թ. սեպտեմբերի 12-ին:

Նշենք նաև, որ միայն 1988թ. հանրաքվեի դրված առաջարկը չի ընդունվել հանրության կողմից: Ընտրողների 65 տոկոսը դեմ է արտահայտվել ՏԻՄ վաղաժամկետ ընտրություններին: Մյուս բոլոր դեպքերում հանրային քվեարկության դրված առաջարկները ընդունվել են:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։