Թուրքիայում քրդամետ կուսակցության պատգամավորներ են բերման ենթարկվել

Իրավական13:13, 25 Հունվար 2017

Թուրքիայում քրդամետ կուսակցության պատգամավորներ են բերման ենթարկվել

Թուրքիայի քրդամետ «Ժողովուրդների դեմոկրատական կուսակցութան» (HDP-ԺԴԿ) պատգամավորների նկատմամբ հետապնդումները շարունակվում են:

Թուրքական իշախանամետ «Sabah» թերթի կայքը հայտնում է, որ Դիարբեքիրի դատախազության որոշմամբ բերման է ենթարկվել քրդամետ կուսակցության պատգամավոր Իմամ Թաշչըերը: Վերջինիս նկատմամբ պատգամավորական անձեռնամխելիության վերացումից հետո Դիարբեքիրի դատախազությունը հետաքննություն էր սկսել «Թուրքիայի կառավարությանը հրապարակավ նվաստացնելու», «նախագահին վիրավորելու», «քաղծառայողին ծառայողական պարտականությունների համար վիրավորելու» մեղադրանքներով: Թաշչըերը, չնայած ցուցմունք տալու ծանուցում է ստացել, սակայն չի ներկայացել դատախազություն: Ինչից հետո դատախազությամբ որոշմամբ ոստիկանությունը բերման է ենթարկել նրան:

«CNNTurk» լրատվական ծառայության տեղեկացմամբ՝ այսօր բերման էին ենթարկվել քրդամետ կուսակցության ևս երկու պատգամավոր՝ Ահմեթ Յըլդըրըմը և Օսման Բայդեմիրը: Վերջիններս ցուցմունք տալուց հետո ազատ էին արձակվել:

Հիշեցնեք, որ նոյեմբերի 4-ին ձերբակալված քրդամետ կուսակցության անդամ 12 պատգամավորներից 9-ի, այդ թվում` կուսակցության համանախագահներ Սելահեթթին Դեմիրթաշի և Ֆիգեն Յուքսեքդաղի վերաբերյալ նոյեմբերի 9-ին կալանավորման որոշում էր կայացվել: Նոյեմբերի 11-ին էլ կալանավորվել էր Հաքքարիից ընտրված պատգամավոր Նիհաթ Աքդողանը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։