Թուրքիան Գյուլենի արտահանձման հարցով նոր փաստաթղթեր է ուղարկել ԱՄՆ

Իրավական07:25, 31 Հունվար 2017

Թուրքիան Գյուլենի արտահանձման հարցով նոր փաստաթղթեր է ուղարկել ԱՄՆ

Դոնալդ Թրամփի` ԱՄՆ-ի նախագահ դառնալուց հետո Թուրքիան լրացուցիչ փաստաթղթերի փաթեթ է ուղարկել ԱՄՆ-ի արդարադատության նախարարություն, ամերիկաբնակ միլիարդատեր, իսլամի քարոզիչ Ֆեթթուլահ Գյուլնին արտահանձնելու համար:

Թուրքական իշխանությունները նրան մեղադրում են Թուրքիայում 2016թ. հուլիսի 15-ին տեղի ունեցած ռազմական հեղաշրջման փորձի մեջ:

Նշվում է, որ ուղարկված փաթեթում տեղ են գտել այնպիսի փաստաթղթեր, որոնք ապացուցում են Գյուլենի մեղավորությունը հուլիսի 15-ին տեղի ունեցածի մեջ:

Մասնավորապես, տեղեկատվություն է ներկայացված Թուրքիայի Սաքարիայի համալսարանի դասախոս Ադիլ Օքսուզի տեղաշարժերի մասին, որն, իբր, համակարգում էր Գյուլենի կողմնակիցների գործողությունները Թուրքիայի ՌՕՈւ շարքերում: Օքսուզը Ներկայումս նա գտնվում է հետախուզման մեջ: Ուշադրություն է դարձվում այն փաստի վրա, որ հուլիսի 12-ին` հեղաշրջման փորձից 3 օր առաջ, Օքսուզը այցելել է ԱՄՆ:

Հիշեցնենք, որ 2016թ. սեպտեմբերի 10-ին Թուրքիան պաշտոնապես ԱՄՆ-ից պահանջեց Գյուլենի արտահանձնումը: Մասնավորապես Ստամբուլի հանրապետական դատախազությունը միջնորդություն էր ներկայացրել դատարան իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլենին ձերբակալելու որոշում կայացնելու համար: Նշյալ որոշումը հիմնավորվել էր այն փաստարկով, որ Թուրքիայում հուլիսի 15-ին տեղի ունեցած ռազմական հեղաշրջման փորձի հրահանգը տրվել է հենց Գյուլենի կողմից:

Իսկ հոկտեմբերի 27-ին Թուրքիայի արդարադատության նախարար Բեքիր Բոզդաղը մեկնեց ԱՄՆ, որտեղ Գյուլենի արտահանձման հարցով հանդիպում ունեցավ ԱՄՆ գլխավոր Լորետտա Լինչի հետ:

Աղբյուր` Ermenihaber.am