Իրավական07:15, 01 Փետրվար 2017
Թուրք փաստաբանը ձերբակալվել է Twitter-ում «նախագահին վիրավորելու» մեղադրանքով
Թուրքիայի ընդդիմադիր կուսակցության կին ներկայացուցիչը ձերբակալվել է՝ «Twitter» սոցիալական հարթակում կատարած գրառումների պատճառով: «Deutsche Welle»-ի թուրքական ծառայության տեղեկացմամբ՝ «Ժողովրդահանրապետական» կուսակցության (ԺՀԿ-CHP) խորհրդի անդամ փաստաբան Սերա Քադըգիլը ձերբակալվել է հենց դատարանում, ուր գնացել էր «Բիլալ Էրդողանին վիրավորելու» առթիվ հարուցված գործով ցուցմունք տալու համար:
Ձերբակալման որոշման համար հիմք են հանդիսացել սոցցանցում Քադըգիլի կատարած հրապարակումները, որոնք բնութագրվել են որպես «հանրապետության նախագահին ուղղված վիրավորանք» և «ազգի մի մասի կրոնական արժեքների նսեմացում»:
33-ամյա փաստաբանը դեպքի վերաբերյալ «Twitte»-ում հետևյալ մեկնաբանությունն էր արել .
«Առավոտյան իմ դեմ ուղղված լայնածավալ զրպարտիչ քարոզարշավ կսկսվի: Ցանկացա ինքս նախապես տեղեկացնել: Նրանք գտել են 6-7 տարի առաջվա իմ գրառումները»:
Քադըգիլի ձերբակալությունը բուռն արձագանք է ստացել սոցիալական ցանցերում, որոնց օգտատերերը փաստաբանի ազատ արձակման պահանջով և #SeraKadıgilYalnızDeğildir (Սերա Քադըգիլը միայնակ չէ) հեշթեգով արշավ են սկսել:
ԺՀԿ-ական գործչի ձերբակալությունը քննադատել է նաև կուսակից պատգամավոր Բարըշ Յարկադաշը: Նա ուշադրություն է հրավիրել այն փաստի վրա, որ Սերա Քադըգիլը փաստաբան է և նրան ձերբակալելու համար անհրաժեշտ է արդարադատույթան նախարարության հատուկ թույլտվությունը:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Ըստ Էրդողանի՝ ռուս-ուկրաինական պատերազմը ցույց տվեց, որ արտաքին ռեսուրսներից կախվածությունը լուրջ խնդիր է էներգետիկ ոլորտում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |