Թուրքիայում արգելում են ցուցադրել «Վեզիրի մատը» ֆիլմը (տեսանյութ)

Հասարակական13:19, 03 Փետրվար 2017

Թուրքիայում արգելում են ցուցադրել «Վեզիրի մատը» ֆիլմը (տեսանյութ)

Թուրք ռեժիսոր, սցենարիստ և դերասան Մահսուն Քըրմըզըգյուլի «Վեզիրի մատը» ֆիլմը տեղական իշխանությունները բոյկոտում են՝ շրջաններում արգելելով դրա ցուցադրությունը:

Թուրքական «Haberler» լրատվական կայքը հայտնում է, որ Աֆյոնգարահիսար նահանգի Սանդըքալը շրջանում արգելվել է ֆիլմի ցուցադրությունը: Շրջանի ղեկավար, իշխող «Արդարություն և զարգացում» կուսակցության (AKP-ԱԶԿ) ներկայացուցիչ Մուստաֆա Չյոփը հրաժարվել է ֆիլմը ցուցադրել պետական կինոթատրոնում, որ միակն է շրջանում: Չյոփը որոշումը հետևյալ կերպ է բացատրել.

«Մահսուն Քըրմըզըօղլուի «Վեզիրի մատը» ֆիլմը, որի գովազդը ցուցադրվում է համացանցում և որը դեմ է մեր ազգային, հոգևոր արժեքներին և ծաղրում է մեր նախնիներին, չի ցուցադրվելու մեր կինոթատրոնում: Մենք միշտ դեմ ենք եղել նման ֆիլմերին, որոնք հակառակ են ավանդույթներին, սովորույթներին և բարոյական նորմերին»:

Ֆիլմն արգելվել էր նաև Մերսին նահանգի Անամուր շրջանում և Կայսերիի Դեվելի շրջանում: Բացի այդ ֆիլմի դեմ ստորագրահավաք է սկսվել «Change.org» կայքում: Խնդրագիրն ուղղված է Թուրքիայի ռադիո-հեռուստատեսություն գերագույն խորհրդին(RTÜK): «Ցանկանում եմ, որ «Վեզիրի մատը» ֆիլմը հանվի վարձույթից» վերնագրով խնդրագրում նշվում է, որ կինոնկարը ծաղրում է գլխաշոր կրող կանանց, հարձակվում կրոնի վրա: Ստորագրահավաքին մասնակցել է մոտ 69 մարդ:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։