Սուրուչի ահաբեկչության գործով մեղադրյալների համար թուրքական դատախազությունը 104 տարվա ազատազրկում է պահանջել

Իրավական08:31, 11 Փետրվար 2017

Սուրուչի ահաբեկչության գործով մեղադրյալների համար թուրքական դատախազությունը 104 տարվա ազատազրկում է պահանջել

Թուրքիայի Շանլըուրֆայի հանրապետական դատախազությունը ավարտել է 2015-ի հուլիսին Սուրուչ շրջանում տեղի ունեցած ահաբեկչական պայթյունի գործով իրականցվող հետաքննությունը:

Ըստ թուրքական «Milliyet» թերթի կայքի՝ հետաքննության արդյունքում դատախազությունը դատարանից պահանջել է գործի հետ կապված կասկածյալներ հանդիսացող Յաքուբ Շահինին, Իլհամի Բալին և Դենիզ Բյույուք Չելեբիին դատապարտել 104 տարվա զատազրկման:

Նրանք մեղադրվում են «ահաբեկչական կազմակերպությանը հարելու, սահմանադրական կարգը խախտելու , քիմիական և կենսաբանական զենք օգտագործելու» և բազմաթիվ այլ հանցանքների մեջ:

213 էջանոց մեղադրական եզրակացությունը ուղարկվել է Շանլըուրֆայի դատարան:

Թուրքական աղբյուրը չի հայտնում է, թե երբ է դատարանը հրապարակելու կասկածյալների նկատմամբ վճիռը:

Շանլըուրֆա նահանգի Սուրուչ շրջանում որ 34 մարդու կյանք խլած ահաբեկչական պայթյունը իրականացրել էր «Իսլամական պետություն» (ԻՊ) ահաբեկչական կազմակերպությունը:

Պայթյունը իրականացվել էր մահապարտ ահաբեկչի կողմից: Հետագայում ԴՆԹ փորձաքննության արդյունքում հաստատվել էր, որ մահապարտը Թուրքիայի Ադըյաման նահանգում գրանցված 20-ամյա ուսանող Շեյհ Աբդուրահման Ալագյոզն էր:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։