The Guardian-ը թուրք ընթերցողների շրջանում հարցում է սկսել

Հասարակական12:44, 16 Փետրվար 2017

The Guardian-ը թուրք ընթերցողների շրջանում հարցում է սկսել

Անգլիական «The Guardian» թերթն իր կայքում ուշագրավ հարցում է սկսել` պարզելու համար, թե ներկայում Թուրքիայում տիրող քաղաքական իրավիճակն ինչպիսի ազդեցություն է թողնում հասարակության վրա:

Գլխավորապես թուրքական լսարանին ուղղված «Հիմա ինչ եք զգում, երբ ապրում եք Թուրքիայում» խորագրով հարցաթերթիկին կցված տեքստում ասվում է. «Թուրքիան, որը մի ժամանակ աշխարհիկ ժողովրդավարությամբ օրինակ էր ծառայում մուսուլմանակն երկրներին, այժմ լրագրողների համար դարձել է աշխարհի ամենամեծ բանտը»:

Թերթը հիշեցրել է, որ Թուրքիայում շարքային քաղաքացիները կալանավորվում են սոցմեդիայում իշխանություններին քննադատելու համար` ավելացնելով, որ ԱՄՆ-ի, Անգլիայի ու Ռուսաստանի առաջնոդների հետ լավ հարաբերություններ պահող Էրդողանը նպատակ ունի նախագահական համակարգի անցման վերաբերյալ հանրաքվեի միջոցով ավելացնել իր սահմանադրական լիազորությունները:

Թերթը հարցաթերթիկում Թուրքիայում բնակվող ընթերցողներից հետաքրքրվում է, թե ինչպես է ազդում այս իրավիճակը իրենց վրա. ինչպե՞ս է ազդում խոսքի ազատության սահմանափակումները նրանց առօրյա կյանքի վրա, ե՞րբ են առաջին անգամ զգացել, որ հետքայլ են անում խոսքի ազատության տեսանկյունից, արդյոք զգո՞ւմ են իրենց խոսքերին առաջվանից ավելի շատ հետևելու կարիք և այլն:

Ստացված պատասխանների հիման վրա ավելի ուշ հոդված կհրապարակվի` նվիրված Թուրքիայում խոսքի ազաատության վիճակին:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։