Թուրքիայի քրդամետ կուսակցությունը կալանավորված համանախագահների հարցով դիմել է Եվրադատարան

Իրավական13:16, 20 Փետրվար 2017

Թուրքիայի քրդամետ կուսակցությունը կալանավորված համանախագահների հարցով դիմել է Եվրադատարան

Թուրքիայի ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) մի շարք պատգամավորներ կուսակցության համանախագահներ Սելահաթթին Դեմիրթաշի և Ֆիգեն Յուքսեքդաղի անօրինական կալանքի տակ պահվելու առիթով դիմել են Մարդու իրավունքների եվրոպական դատարան (ՄԻԵԴ):

Ըստ թուրքական «Demokrathaber.org» լրատվական կայքի` ԺԴԿ-ականները հայտնել են, որ սահմանադրական դատարանի կողմից այս հարցով բողոքները քննության չառնելու պարագայում անհրաժեշտություն է առաջացել դիմել ՄԻԵԴ:

Դիմումի մեջ նշվել է, որ հատկապես հանրաքվեին ընդառաջ նրանց (Դեմիրթաշի ու Յուքսեքդաղի-խմբ.) նկատմամբ որպես խափանման միջոց կալանքի կիրառմամբ խախտվում է վերջինների` սահմանադրությամբ և Մարդու իրավունքների եվրոպական կոնվենցիայով երաշխավորվող ազատության, անվտանգության, խոսքի ազատության և ազատ ընտրության իրավունքը:

ԺԴԿ-ականները դիմումի մեջ ներկայացրել են նաև 2014-ից սկսած ԺԴԿ-ի նկատմաբ իրականացված հարձակումները: Ըստ այդմ` 2014 թվականին կուսակցությանը պատկանող գրասենյակների, նախընտրական շտաբների և ծառայողական մեքենաների վրա տեղի է ունեցել 22, 2015-ին` 106 և 2016-ին` 36 հարձակում:

2015-ի հուլիսից սկսած ԺԴԿ-ի և ԺՏԿ-ի (DBP-քրդական «Ժողովրդական տարածաշրջաններ կուսակցություն») նկատմամբ իրականացված գործողությունների ընթացքում ձերբակալվել է 9.796 մարդ, որոնցից 2.906-ը` կալանավորվել:

2016 թվականի նոյեմբերից կալանավորվել են ԺԴԿ-ական 12 պատգամավոր, որոնց թվում են համանախագահներ Դեմիրթաշն ու Յուքսեքդաղը:

Հաղորդվում է նաև, որ սահմանադրական փոփոխությունների վերաբերյալ հանրաքվեին ընդառաջ ընդդիմության կողմից արդյունավետ «ոչ»-ի քարոզչության իրականացմանը խոչընդոտելու նպատակաով կամայական ձերբակալությունները համակարգային բնույթ են ստացել:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։