Ղարաբաղ10:32, 23 Փետրվար 2017
Թուրք նախարարը Գյուլենի գործով նամակ է հղել ԱՄՆ-ի նորանշանակ արդարադատության նախարարին
Թուրքիայի արդարադատության նախարար Բեքիր Բոզդաղը ԱՄՆ-ի նորանշանակ արդարադատության նախարար Ջեֆ Սեսիոնին նամակ է հղել, իսլամի քարոզիչ, ամերիկաբնակ միլիարդատեր Ֆեթթուլահ Գյուլենի արտահանձման վերաբերյալ:
Գյուլենը թուրքական իշխանությունների կողմից մեղադրվում է հուլիսի 15-ին Թուրքիայում տեղի ունեցած ռազմական հեղաշրջման փորձի կազմակերպման մեջ: Ինքը՝ Գյուլենը, հերքել է այդ մեղադրանքը:
Ըստ թուրքական «Haberler» լրատվամիջոցի՝ Բոզդաղը նամակի մեջ մասնավորապես ասել է, որ Գյուլենի արտահանձնումը դրական կազդի թուրք-ամերիկյան հարաբերությունների զարգացման վրա:
Բոզդաղը հիշեցրել է, որ իրենք ԱՄՆ-ի նախորդ իշխանություններից պահանջել էին, որ Գյուլենը ժամանակավորապես ձերբակալվի, ապա արտահանձնվի Թուրքիա: Նրա խոսքերով՝ Թուրքիան ԱՄՆ-ին ուղարկել էր նաև անհրաժեշտ լրացուցիչ մի շարք փաստաթղթեր, որոնք ապացուցում են Գյուլենի մեղավորությունը: Նամակում շեշտվում է, որ Գյուլենը վտանգ է ներկայացնում թե Թուրքիայի, թե ԱՄՆ-ի ազգային անվտանգության համար:
Վերջում Բոզդաղը ընդգծել է երկու երկրների միջև ժամանակավոր ձերբակալությունների և արտահանձման հարցերի վերաբերյալ պայմանագրի ստորագրման գործընթացը արագացնելու կարևորությունը: Դա, ըստ նրա, ավելի կզարգացնի թուրք-ամերիկյան համագործակցությունը ահաբեկչության դեմ պայքարում:
Այս ենթաբաժնի վերջին նորությունները
Թուրքիայի նախագահը MIT- հիմնադրման 97-ամյակին նվիրված միջոցառմանն անդրադարձել է Լեռնային Ղարաբաղի խնդրին:
Ֆիդանը հանդիպելու է նաև Ադրբեջանի արտգործնախարար Ջեյհուն Բայրամովի հետ, որից հետո կողմերը մամուլի ասուլիս կտան։
Թուրքիայի խորհրդարանում ընդունվել է Աղդամի ռուս-թուրքական մշտադիտարկման կենտրոնում Թուրքիայի զինանձնակազմի ծառայության ժամկետը երկարաձգելու մասին նախագիծ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |