Թուրքիայում ԱՄՆ-ի հյուպատոսարանի աշխատակից է ձերբակալվել PKK-ին անդամակցելու կասկածանքով

Իրավական12:51, 23 Փետրվար 2017

Թուրքիայում ԱՄՆ-ի հյուպատոսարանի աշխատակից է ձերբակալվել PKK-ին անդամակցելու կասկածանքով

Պաշտոնական Անկարայի կողմից ահաբեկչական ճանաչված «Քուրդիստանի բանվորական կուսակցությանը» (PKK-ՔԲԿ) անդամակցելու կասկածանքով ձերբակալվել է Թուրքիայում ԱՄՆ-ի հյուպատոսարանի աշխատակից:

Ըստ թուրքական «Haberler.com» լրատվական կայքի` ահաբեկչության դեմ պայքարի ոստիկանական բաժանմունքի իրավապահների կողմից ձերբակալված անձը Ադանայում գտնվող ԱՄՆ հյուպատոսարանի թարգմանիչ Համզա Ուլուչայն է:

Հաղորդվում է, որ նա Թուրքիայի Մարդին նահանգում «Բեզհաթ» ծածկանունով PKK-ականի սպանությունից հետո մեկնել է նույն նահանգի Նուսայբին քաղաք և քրդական կազմակերպության համակիրներին դրդել նոր ակցիաներ իրականացնելուն: Հյուպատոսարանի շենքում հայտնաբերված Ուլուչայը իրավապահներին է հանձնվել ոստիկանների ու հյուպատոսարանի պատասխանատուների բանակցությունների արդյունքում:

Նշվում է, որ ձերբակալվածի տան խուզարկման ժամանկ հայտնաբերվել են Թուրքիայում արգելված քրդերեն գրքեր ու 7-ական «F» և «B», 2 «K» և այլ սերիաների ընդհանուր առմամբ 21 մեկ դոլարանոցների նմուշներ:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։