Թուրք գրողը հաճոյանում է Ադրբեջանին

Հասարակական10:50, 27 Փետրվար 2017

Թուրք գրողը հաճոյանում է Ադրբեջանին

Ադրբեջանի թեզերը քարոզելու ու տարածելու նպատակով Խոջալուի դեպքերի թեմայով այս օրերին Ստամբուլում անցկացվող հերթական միջոցառման ժամանակ թուրք գրող Այգյուն Հասանօղլուն հանդես է եկել «սենսացիոն» հայտարարություններով:

Ըստ թուրքական «İstanbultimes.com.tr» կայքի` «Հատուկ ծրագիր» կոչվող հավաքի ժամանակ Հասանօղլուն հայտարարել է, որ արցախյան պատերազմի ժամանակ Ադրբեջանը փաստացիորեն պատերազմել է ոչ միայն Հայաստանի, այլև Ռուսաստանի, ԱՄՆ-ի ու Ֆրանսիայի հետ:

«Մենք միայն հայերի դեմ չենք կռվել: Ռուսաստանը նրանց զենք էր տալիս, ԱՄՆ-ն և Ֆրանսիան օգնում էին հայերին»,- հայտարարել է Հասանօղլուն:

Հասանօղլուն, ավելի առաջ անցնելով իր հերյուրանքներում, հայերին մեղադրել Անատոլիայում ու Կովկասում մուսուլմաններին կոտորելու, Ադրբեջանում հարյուրավոր ահաբեկչական գործողություններ իրականացնելու մեջ:

Հիշեցնենք, որ ըստ Human Rights Watch միջազգային իրավապաշտպան կազմակերպության տվյալների՝ 1992 թվականի փետրվարի 26-ին Արցախյան պատերազմի ընթացքում Աղդամ քաղաքի մատույցներում չբացահայտված պայմաններում մահացել է 200-300 հոգի: Խոջալուն հանդիսանում էր այն 5 կրակակետերից մեկը, որտեղից ինտենսիվ կրակ էր բացվում շրջափակված Ստեփանակերտի ուղղությամբ: Խոջալուի բնակչությունն ամիսներ շարունակ բռնի կերպով պահվում էր բնակավայրում և մտածված չէր տարհանվում Ադրբեջանի իշխանությունների կողմից` հետագայում նրանց որպես «կենդանի վահան» օգտագործելու նպատակով:

Խոջալուի բնակիչները, որոնք լքել էին բնակավայրը ԼՂՀ Ինքնապաշտպանական ուժերի տրամադրած մարդասիրական միջանցքով, անարգել անցել են ավելի քան 10 կմ` հասնելով ադրբեջանական ուժերի կողմից վերահսկվող Աղդամ քաղաք:Ավելի ուշ ադրբեջանական զորքերի տեղակայման վայրից ոչ հեռու հայտնաբերվել են բնակավայրի մահացած բնակիչների դիերը: Զոհերի ստույգ թիվը դեռևս անհայտ է, քանի որ պաշտոնական Բաքուն հրապարակում է միմյանց հակասող թվեր: Ադրբեջանի խորհրդարանի` այս բնակիչների ողբերգական մահվան հետաքննությամբ զբաղվող հանձնաժողովը ցրվել է Հեյդար Ալիևի հրամանով, իսկ հետաքննական նյութերը գաղտնիացված են:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։