Թուրքահայ ոսկերիչը որոշել է ոսկեզօծ նվեր մատուցել Ստամբուլում կառուցվող նոր մզկիթին

Հասարակական09:40, 27 Փետրվար 2017

Թուրքահայ ոսկերիչը որոշել է ոսկեզօծ նվեր մատուցել Ստամբուլում կառուցվող նոր մզկիթին

Անթալիայի բնակիչ հայկական ծագում ունեցող ոսկերիչ Շենոլ Վայվալակոն 2.5 մ երկարությամբ ցուցատախտակի վրա ոսկեզօծ տառերով հավաքել է իսլամական հայտնի «Բիսմիլահիռահմանիռահիփ» արտահայտությունը, որը պատրաստվում է նվիրել Ստամբուլում կառուցվող Չամլըջա հսկայական մզկիթին:

Ըստ թուրքական «Boldhaber.com» կայքի` 10 տար առաջ մուսուլմանություն ընդունած Վայվալաքոն նման զարդանախշ պատրաստելու ցուցումը ստացել է Թուրքիայի նախագահ Ռեջեփ Թայիփ Էրդողանից, երբ վերջինին նվիրել էր մեկ այլ թանկարժեք ստեղծագործություն` նույնպես իսլամական թեմայով:

Ջերմեռանդ մուսուլման դարձած նախկին քրիստոնյա ոսկերիչը թուրքական կայքին պատմել է, որ գործը պատրաստելու համար օգտագործել է 14.000 մեխ, 16.000 թանկարժեք քար, ինչպես նաև 8 կգ ոսկեջրած թել:

Վայվալակոն Թուրքիայի այն փոքրաթիվ հայերից է, ովքեր ամեն կերպ ցանկանում են իրենց համակրանքը ցույց տալ Էրդողանին ու նրա իշխանությանը: Նա նշել է, որ իր պատրաստած գործը պատրաստվում է այդ երկրում տեղի ունենալիք սահմանադրական հանրաքվեից հետո անձամբ հանձնել Էրդողանին:

43-ամյա ոսկերիչը չի մոռացել նաև իր աջակցությունը հայտնել իշխող կուսակցության կողմից առաջ քաշված սահմանադրական փոփոխություններին, որով նախատեսվում է անցում կատարել նախագահական համակարգի:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։