Իրավական12:56, 02 Մարտ 2017
Թուրքիայի մեջլիսի պատգամավոր Գարո Փայլանը դիմելու է եվրադատարան
Թուրքիայի սահմանադրական դատարանը մերժել է պատգամավոր Գարո Փայլանի հայցը: Նա էլ որոշել է դիմել Մարդու իրավունքների եվրոպական դատարան (ՄԻԵԴ): Ընդդիմադիր «Ժողովուրդների դեմոկրատական կուսակցություն»-ից (ԺԴԿ-HDP) ընտրված հայ պատգամավորն անհաջող որոշում է որակել Թուրքիայի սահմանադրական դատարանի կողմից իր հայցի մերժումը:
«Երանի երկրիս որևէ դատարան այս հարցը լուծած լիներ. Ժողովրդավրարությունը հարվածի տակ դնող այդ որոշումը չեղյալ հայտարարեր: Բայց այդպես չեղավ, հետևաբար մենք գնալու ենք եվրադատարան»,- ասել է Փայլանը` ավելացնելով, որ մեջլիսի` իրենից խլած խոսքի ազատությունը պաշտպանելու է եվրադատարանում:
Հիշեցնենք, որ Փայլանը հունվարի 13-ին Թուրքիայի խորհրդարանում սահմանադրական փոփոխությունների քննարկման ժամանակ ունեցած ելույթում անդրադարձել էր 1913-1923 թթ-ին Թուրքիայի փոքրամասնությունների ոչնչացմանը` մեջլիսի ամբիոնից հնչեցնելով ցեղասպանություն բառը:
Այդ փաստը դժգոհություն էր առաջացրել կառավարող «Արդարություն և զարգացում կուսակցության» (ԱԶԿ-AKP) պատգամավորների շրջանում, որոնք ոտքի էին կանգնել ու սկսել տեղից բղավել Փայլանի վրա: Դահլիճում խառնաշփոթ էր առաջացել, իսկ նիստը վարող մեջլիսի փոխխոսնակ Ահմեթ Այդընը ընդմիջում էր հայտարարել` կանխելով հետագա վիճաբանությունը:
Միջադեպից հետո հայ պատգամավորին որպես պատիժ արգելվել էր մասնակցել խորհրդարանի առաջիկա 3 նիստին, իսկ նիստի արձանագրություններից հեռացվել էր ելույթում կիրառված ցեղասպանություն բառը:
Փայլանը նշյալ որոշումը չեղարկելու պահանջով դիմել էր Թուրքիայի սահմանադրական դատարան, սակայն նրա հայցը չէր բավարարվել:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |