Քաղաքական08:44, 10 Մարտ 2017
Հոլանդիայում ևս մեկ թուրք նախարարի քարաոզչական ելույթի համար սրահ չի տրամադրվել
Հոլանդիայում այս անգամ էլ հանդիպում անցկացնելու համար հրաժարվել են սրահ տրամադրել Թուրքիայի Ընտանեկան հարցերի ու սոցիալական ապահովության նախարար Ֆաթմա Բեթյուլ Քայա Սայանին:
Ըստ թուրքական «Demokrathaber.net» լրատվական կայքի` Սայանը այսօր` մարտի 10-ին պետք է Թուրքիայում սպասվող սահմանադրական փոփոխությունների հանրաքվեին ընդառաջ քարոզչական հանդիպում անցկացներ Հոլանդիայի Հենգելո քաղաքում ապրող թուրքերի հետ: Սակայն հանդիպման սրահի սեփականատերը հրաժարվել է վարձակալության տալ սրահը՝ հայտարարելով. «Քաղաքապետի հետ հանդիպեցինք և որոշեցինք սրահը չտրամադրել վարձակալության համար»:
Սեփականատերը նշել է նաև, որ իր որոշման վրա ազդել է Թուրքիայի արտգործնախարար Մևլութ Չավուշօղլուին Ռոտերդամում սրահ չտրամադրելու հանգամանքը:
Հենգելոյի քաղաքապետն էլ, ակնարկելով որ իրենց համար անցանկալի է թուրք նախարարների այցերն իրենց երկիր, ասել է. «Կարծում եմ, որ այդ այցը (Սայանի-խմբ.) չպետք է կայանա»:
Հիշեցնենք, որ Հոլանդիայի Ռոտերդամ քաղաքում չեղարկվել էր Թուրքիայի արտաքին գործերի նախարար Մևլութ Չավուշօղլուի մասնակցությամբ տեղի ունենալիք «Այո սահմանադրական բարեփոխումներին» խորագրով հավաքը:
Որպես չեղարկման պատճառ Ռոտերդամի քաղաքապետը նշել էր այն փաստը, որ սրահի սեփականատերը հրաժարվել է տարածք տրամադրել:
Չավուշօղլուն հայտարարել է, որ անկախ ամեն ինչից ինքը մարտի 11-ին այցելելու է Ռոտերդամ և փորձելու է հանդիպել տեղի թուրքերի հետ:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |