Միջազգային14:06, 13 Մարտ 2017
Haberler. Թուրքիան կարող է պատժամիջոցներ կիրառել Հոլանդիայի դեմ
Թուրք-հոլանդական լարված հարաբերությունների այս շրջանում թուրքական լրատվամիջոցներում քննարկվում է, թե պաշտոնական Անկարան ինչ պատժամիջոցներ կարող է կիրառել Հոլանդիայի դեմ: Ըստ թուրքական «Haberler» լրատվամիջոցի` Անկարան կարող է դիվանագիտական և քաղաքական պատժամիջոցներ կիրառել:
Նշվում է, որ Թուրքիայի և Հոլանդիայի միջև լուրջ համագործակցություն կա հետախուզության ոլորտում: Եվ այդ առումով Թուրքիան կարող է որոշ սահմանափակումներ մտցնել: Բացի այդ Թուրքիայի Ադանա քաղաքում տեղեկայված են Հոլանդիայի «MIM-104 Patriot» ՀՕՊ համակարգերը, և հոլանդացի պաշտոնյաները պարբերաբար այցեր էին կատարում այնտեղ: Նշվում է, որ առաջացած լարվածության պատճառով նմանատիվ այցերը որոշ ժամանակով կարող են այլևս տեղի չունենալ:
Ըստ թուրքական աղբյուրի` հնարավոր է, որ պաշտոնական Անկարան նույնիսկ իր օդային տարածքը փակի Հոլանդիայի բոլոր ռազմական և լյուքս կարգի ինքնաթիռների համար:
Ու չնայած երկու երկրների միջև առկա լարվածությանը, Թուրքիան պատժամիջոցների չի կիրառի թուրք-հոլանդական առևտրատնտեսական հարաբերություններում: Այդ մասին հայտնել է Թուրքիայի էկոնոմիկայի նախարար Նիհաթ Զեյբեքչին:
Հիշեցնենք, որ երկու երկրների միջև լարվածություն է առաջացել այն բանից հետո, երբ Ռոտերդամ քաղաքում չեղարկվել էր Թուրքիայի արտգործնախարար Մևլութ Չավուշօղլուի միջոցառումը, որը պետք է տեղի ունենար Թուրքիայում նախատեսվող սահմանադրական փոփխությունների հանրաքվեի քարոզարշավի շրջանակներում: Ռոտերդամի քաղաքապետարանը նշել էր, որ այն դահլիճի սեփականատերը, որտեղ պիտի ելույթ ունենար Չավուշօղլուն, հրաժարվել է տարածքը տրամադրելուց: Բայցի այդ հոլանդական իշխանությունները իրենց երկրից արտաքսել էին Թուրքիայի ընտանեկան և սոցիալական քաղաքականության հարցերով զբաղվող նախարար Ֆաթմա Բեթյուլ Սայան Քայային:
Հավելենք նաև, որ Թուրքիայում Հոլանդիայի դեսպանությունը իր երկրի քաղաքացիներին հորդորել է չմեկնել Թուրքիա:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որոնման աշխատանքների մեջ ներգրավված է «Թուրքիայի նավթային կորպորացիայի» (TPAO) 200 հոգուց բաղկացած անձնակազմ և 30 տեխնիկա։
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |