Քաղաքական13:43, 13 Մարտ 2017
Գերմանիայի ֆինանսների նախարար. «Թուրքիայի հետ աշխատելը դժվարացել է»
Գերմանիայի ֆինանսների նախարար Վոլֆգանք Շոյբլեն հայտարարել է, որ դժվարացել է Թուրքիայի հետ գործակցությունը: Ըստ թուրքական «Posta» լրատվամիջոցի` այդ մասին նա հայտարարել է գերմանական «ZDF » հեռուստալիքի եթերով:
Շոյբլեն, խոսելով Եվրոպական երկրներում թուրք նախարարների կողմից նախընտրական քարոզարշավ անցկացնելու մասին, նշել է. «Այս պայմաններում չափազանց դժվար է դարձել շարունակել աշխատանքը ֆինաստատնտեսական օգնության հարցում: Մենք չենք ցանկանում իրավիճակի սրում: Գերմանիայի կառավարությունում ամեն ոք այս առումով համակարծիք է: Մենք միայն ցանկանում ենք, որ Թուրքիան առաջնորդվի ողջամտությամբ»:
Թուրքական աղբյուրը տեղեկացնում է նաև, որ Գերմանիայում թուրք նախարարների քարոզարշավի իրականացման դեմ է հանդես եկել Գերմանիայի ներքին գործերի նախարար Թոմաս դե Մաիզերեն:
Վերջինս այդ մասին, մասնավորապես ասել էր. «Թուրքիան իրավունք չունի Գերմանիայում նախըտրական քարոզարշավ իրականացնել»:
Հիշեցնենք, որ Թուրքիայի արդարադատության նախարար Բեքիր Բոզդաղը և էկոնոմիկայի նախարար Նիհաթ Զեյբեքչին սահմանադրական հանրաքվեի քարոզարշավի նպատակով մարտի 2-ին պետք է ելույթ ունենային Գերմանիայի Գագգենաու քաղաքում, սակայն վերջին պահին քաղաքապետարանն արգելել էր: Նման քայլը խստորեն դատապարտել էր Բոզդաղը` ասելով, որ կատարվածն անընդունելի է: Նա չեղյալ էր համարել Գերմանիայի արդարադատության նախարարի հետ հանդիպումը: Ավելի ուշ Թուրքիայում Գերմանիայի դեսպան Մարտին Էրդմանը կանչվել էր Թուրքիայի արտաքին գործերի նախարարություն:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |