Թուրքիայում բանտարկյալների թիվը ավելացել է 191%-ով

Իրավական08:12, 15 Մարտ 2017

Թուրքիայում բանտարկյալների թիվը ավելացել է 191%-ով

Եվրոպայի խորհրդի (ԵԽ) կողմից հրապարակված տվյալների համաձայն` Թուրքիայում բանտարկյալների թիվը 2006-2015թթ աճել է 191տոկոսով:

«Demokrathaber» լրատվական կայքը, հղում անելով գերմանական «Deutsche Welle» -ին նշում է, որ Թուրքիայում ձերբակալվածների թիվը չնայած կտրուկ աճել է նախորդ տարվա հուլիսի 15-ին տեղի ունեցած հեղաշրջման փորձից հետո, այնուամենայնիվ, մինչ այդ էլ երկրում կալանավորների թիվը շատ է եղել: Ըստ ԵԽ տվյալների՝ երկրում յուրաքանչյուր 100 հազար մարդուց 220.4-ը ձերբակալված է:

Ըստ աղբյուրի՝ Թուրքիան այն երկրների շարքում է, որտեղ բանտարկյալների թիվը գերազանցում է երկրի քրեակատարողական համակարգի հնարավորությունները:

Նշենք, որ ավելի վաղ Թուրքիայի Արդարադատության նախարար Բեքիր Բոզդաղը հայտարարել էր, որ երկրի բանտերում կա 186 հազար 920 կալանավոր, այնինչ բանտային պայմանները թույլատրում են 179 հազար 883 մարդու կալանավորումը:

Նախարարը նշել էր, որ բանտարկյալների թվի՝ թույլատրելի սահմանի գերազանցումը առաջացրել է նոր բանտեր կառուցելու անհրաժեշտություն, ուստի ներկայումս առկա 370 բանտերի թիվը նախատեսվում է հասցնել 453-ի:

Ի դեպ վերոնշյալ ձերբակալվածներից մոտ 38 հազարը կալանավորվել է հուլիսի 15-ին տեղի ունեցած հեղաշրջման փորձից հետո:

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։