Քաղաքական08:36, 15 Մարտ 2017
Չավուշօղլու. Եթե վիզային ռեժիմը չչեղարկվի, Միգրացիոն համաձայնագրի հետ կապված կոնկրոտ քայլեր կձեռնարկենք
Վերջին օրերին Թուրքիայի և եվրոպական մի շարք պետությունների հարաբերությաններում ստեղծված լարվածության ֆոնին Անկարան կրկին օրակարգ է բերել ԵՄ-ին ուղղված վիզային ռեժիմը չեղարկելու իր պահանջը:
Ըստ թուրքական «Demokrathaber.net» լրատվական կայքի` արտգործնախարար Մևլութ Չավուշօղլուն հայտարարել է, որ եթե Եվրամիությունը Թուրքիայի քաղաքացիների համար չչեղարկի վիզային ռեժիմը, ապա իրենք Միգրացիոն համաձայնագիրը վերանայելու ուղղությամբ կոնկրետ քայլերի կանցնեն:
«Մեր համբերությունն էլ անսպառ չէ: Այս հարցում մեր քաղաքացիներն էլ սպասելիքներ ունեն: Եթե վիզային ռեժիմի ազատականացում տեղի չունենա, ապա Միգրացիոն համաձայնագրի հետ կապված քայլեր կանենք, քանի որ պայմանագրի պահանջը հետևյալն էր` միգրացիա, հետ ընդունում (փախստականների-խմբ.) և վիզային ռեժիմի ազատականացում: Մենք մինչև այսօր կիրառել ենք միգրացիոն համաձայնագիրը իր բոլոր կետերով»,- ասել է Չավուշօղլուն:
Այնուհետև Չավուշօղլուն հայտարարել է, որ Եվրոպան աստիճանաբար դեպի անդունդն է գնում:
«Եվրոպան 2-րդ համաշխարհային պատերազմին նախորդած վիճակին է մոտենում: Եվրամիությունը փլուզվում է»,- պնդել է թուրք նախարարը:
Հիշեցնենք, որ օրեր առաջ Գերմանիան և Նիդերլանդները խոչընդոտել էին մի շարք թուրք քաղաքական գործիչների՝ ապրիլի 16-ին Թուրքիայում կայանալիք սահմանադրական փոփոխությունների հանրաքվեին ընդառաջ այս երկրներում քարոզարշավ իրականացնելու փորձերը: Գերմանիան նաև սահմանադրական դատարանի մակարդակով արգելել է իր երկրում թուրք քաղաքական գործիչների նմանատիպ ցանկացած գործունեություն:
Ավստրիան Շվեյցարին և Դանիանն նույնպես հայտարարել են, որ իրենց համար անցանկալի են թուրք բարձրաստիճան պաշտոնյաների հնարավոր քարոզչական այցերը:
Ավելին, Գերմանիան իր աջակցությունն է հայտնել նաև Հոլանդիային, որի կառավարությունը նույն արգելքն էր սահմանել Թուրքիայի արտգործնախարար Մևլութ Չավուշօղլուի և ընտանիքի ու սոցիալական հարցերով նախարար Ֆաթմա Բեթյուլ Սայամ Քայաի համար՝ վերջինիս արտաքսելով երկրից:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |