Միջազգային08:19, 22 Մարտ 2017
Գերմանիան վերջին 5 ամսում 11 անգամ մերժել է Թուրքիային զենք վաճառքը
Թուրք-գերմանական լարված հարաբերություններում ուշագրավ նոր հանգամանքներ են ի հայտ եկել: «CNN Türk»-ի տեղեկացմամբ՝ 2016թ. նոյեմբերից մինչ օրս Գերմանիան 11 անգամ արգելել է դեպի Թուրքիա զենքի ու զինամթերքի արտահանումը:
Գերմանական մամուլում տեղ գտած տեղեկությունների համաձայն՝ կառավարության այս դիրքորոշումը պայամանվորված է այն մտավախությամբ, թե Թուրքիայի իշխանություններն այդ զենքը կօգտագործեն երկրի ներսում բռնություններ կազմակերպելու համար: Զենքի արտահանման թույլտվություն չտրամադրելու պատճառներից մեկն էլ Թուրքիայում մարդու իրավունքների անմխիթար վիճակն է:
Աղբյուրի բնութագրմամբ՝ Գերմանիայի կողմից ՆԱՏՕ-ի դաշնակից երկրին սպառազինություն չտրամադրելու որոշումը արտասովոր է: Սակայն հայտնի է, որ 2010-2015թթ. ընթացքում ևս Գերմանիան 8 անգամ մերժել է դեպի Թուրքիա զենքի արտահանման թույլտվություն տրամադրելու դիմումները:
Գերմանիայի խորհրդարանի «Ձախերի» կուսակցությունից պատգամավոր Ժան Վան Աքենը շատ կարևոր քայլ է համարել Թուրքիային զենք վաճառելու արգելքը: Նա կարծիք է հայտնել նաև, որ Գերմանիայի հաջորդ քայլը պետք է լինի դեպի Թուրքիա զենք ու զինամթերքի արտահանման լիովին դադարեցումը: Ըստ Աքենի՝ դրանով կապացուցվի, որ կարելի է արգելել նաև ՆԱՏՕ-ի երկրներին զենքի տրամադրումը:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որոնման աշխատանքների մեջ ներգրավված է «Թուրքիայի նավթային կորպորացիայի» (TPAO) 200 հոգուց բաղկացած անձնակազմ և 30 տեխնիկա։
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |