«Նոր Զարթոնքը» Թուրքիայի հայերին կոչ է անում «ոչ» ասել հանրաքվեին

Հասարակական13:09, 27 Մարտ 2017

«Նոր Զարթոնքը» Թուրքիայի հայերին կոչ է անում «ոչ» ասել հանրաքվեին

Թուրքիայում հայ երիտասարդների հիմնած «Նոր զարթոնք» նախաձեռնությունը կոչ արել Թուրքիայի հայերին «ոչ» ասել սահմանադրական փոփոխությունների հանրաքվեին: Նոր զարթոնքի հայտարարության մեջ նշված է, որ «Արդարություն և զարգացում կուսակցության» (ԱԶԿ-AKP) իշխանության 15 տարիների ընթացքում չի ստեղծվել ազատական, հավասար և ժողովրդավար Սահմանադրություն, հետընթաց է արձանագրվել դատական համակարգի ազատության և իշխանության տեղաբաշխման հարցում:

«Ակօս» շաբաթաթերթում հրապարակված հայտարարության մեջ «Նոր զարթոնքը» նշել է, որ Թուրքիան դարձել է բռնապետություն, որտեղ ընդդիմադիր պատգամավորները կալանավորվում են, լրագրողներն ու գիտնականները կամ ձերբակալվում կամ ազատվում են աշխատանքից, ընդդիմադիր թերթերը, ռադիո և հեռուստաալիքներն ու կայքերը փակվում են, մարդիկ բանտ են նետվում սոցցանցերում մեկնաբանություններ գրելու պատճառով:

Ըստ «Նոր զարթոնքի»՝ 2016թ. Թուրքիայում մեկ անձի հրամանով 10-յակ քրդական քաղաք է ավերվել, հազարավոր մարդիկ տեղահանվել են, հարյուրավորները՝ սպանվել:

«Ապրիլի 16-ին անցակցվելիք հանրաքվեին ամբողջ այս կաշառակերությանը, կոտորածներին, ճնշումներին և կոռուպցիային ի՞նչ ենք ասելու՝ այո՞, թե՞ ոչ:

Մենք՝ հայերս, «ո՛չ» ենք ասում ռասիստական, կրոնական և միահեծան բռնապետական վարչակարգին, որ ցանկանում են հաստատել:

Ո՛չ ենք ասում ամեն պատեհ առիթով Հայոց ցեղասպանությունը ժխտող և մեզ անդադար օտարելու հաշվին հասարակության մեջ բևեռացումը խորացնելով իշխանությունն ամրապմնդել ցանկացողներին:

Ապրիլի 16-ը կարող է դառնալ այս խավար շրջանից դուրս գալու սկիզբը: Մենք՝ հայերս, հավասարության, ազատության, խաղաղության և արդարության պահանջը բարձրացնելու, ԱԶԿ-ի քաղաքականությանը պատասխան տալու համար գնանք քվեարկության և «Ո՛չ» ասենք»:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։