Միջազգային10:35, 29 Մարտ 2017
Քուրդ գործիչը մեղադրել է Թուրքիային՝ սիրիական հարցի լուծմանը խոչընդոտելու մեջ
Քրդական «Ժողովրդավարական միություն կուսակցության» (ԺՄԿ- PYD) Ֆրանսիայի ներկայացուցիչ Հալիթ Իսան Թուրքիային ուղղված մեղադրանքներ է հնչեցրել: «Sputnik»-ի թուրքական ծառայության տեղեկացմամբ՝ Իսան նշել է, որ Թուրքիան, Սաուդիան Արաբիան և Կատարը փորձում են խաթարել սիրիական ճգնաժամի խաղաղ հանգուցալուծմանն ուղղված հանդիպումներն ու խնդրի շուրջ ձեռք բերվող պայմանավորվածությունները:
Անդրադառնալով Ժնևում տեղի ուենցած հանդիպումներին՝ Իսան մասնավորապես ասել է. «Երբ մեծ երկրները Սիրիայում խաղաղ քաղաքական լուծում ձեռք բերելու վերաբերյալ որևէ որոշում են ընդունում, ակտիվանում են դրան խորընդոտող տարածաշրջանային արմատական ուժերը: Խոսքը մասնավորապես Թուրքիայի, Սաուդյան Արաբիայի և Կատարի մասին է»:
ԺՄԿ ներկայացուցիչը ընդգծել է, որ Սիրիայում անհրաժեշտ է այնպիսի լուծում գտնել, որը կպաշտպանի այնտեղ ներկայացված բոլոր ժողովուրդների շահերը, այլ ոչ թե միայն այս կամ այն կրոնի կամ աղանդի ներկայացուցիչների շահերը:
«Մոզաիկան միմյանցից տարբեր տարրերի համատեղ գոյությունն է: Իսկ Թուրքիան նման բան չի ցանկանում: Թուրքիայի նախագահն իրեն համարում է «մուսուլման եղբայրների» խալիֆը: Ուշադրություն դարձրեք Եվրոպային ուղղված նրա վերջին հայտարարություններին», - ասել է Իսան:
Հիշեցնենք, որ PYD-ն հայտնի է որպես Թուրքիայում ահաբեկչական խմբավորում համարվող «Քուրդիստանի բանվորական կուսակցության» (ՔԲԿ- PKK) սիրիական թևը:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որոնման աշխատանքների մեջ ներգրավված է «Թուրքիայի նավթային կորպորացիայի» (TPAO) 200 հոգուց բաղկացած անձնակազմ և 30 տեխնիկա։
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |