Հոդված09:50, 31 Մարտ 2017
«Եփրատի վահան» օպերացիան ավարտվել է ոչ թե Թուրքիայի, այլ ԱՄՆ-ի ու Ռուսաստանի որոշմամբ
Թուրքական «Birgun» պարբերականի սյունակագիր Իբրահիմ Վարլըն Թուրքիայի զինուժի կողմից Սիրիայի տարածքում իրականացրած «Եփրատի վահան» ռազմական գործողության իրական արդյունքների մասին հոդված է հրապարակել:
Հոդվածում Վարլըն հակադարձում է թուրքական իշխանություններին, որոնք վերոնշյալ ռազմագործողության ավարտից հետո հայտարարեցին, թե օպերացիան հաջողված էր:
Նա զարմանքը հայտնելով՝ թուրքական իշխանությունների հայտարարությունները որակում է որպես հեքիաթ և բերում մի քանի վիճակագրական տվյալներ: Յոթ ամիս առաջ սկսված այդ օպերացիային մասնակցել է 3.000 թուրք զինվոր: «Իսլամական պետություն» ահաբեկչական կազմակերպության և քրդական ուժերի հետ մարտերում սպանվել է 71 զինվոր, իսկ 245-ը վիրավորվել են: Թուրքիայի կողմից աջակցություն վայելող «Սիրիայի ազատ բանակ» խմբավորումը այդ ընթացքում կորցրել է 600 զինվոր:
Անդրադառնալով գործողություն բուն նպատկաներին՝ հոդվածի հեղինակը արձանագրում է հետևյալը. «Թուրքիան Սիրիայում ունեցել է 3 նպատակ.
1. ԻՊ-ին Թուրքիայի սահմաններից հեռացնել,
2. խոչընդոտել Սիրիայի քրդական «Ժողովրդի պաշտպանության ուժեր» (ԺՊՈւ-YPG)-ին պատկանող կանտոնների միավորմանը
3. Սիրիայի ներսում ստեղծել անվտանգության գոտի:
Այս 3 նպատակներից Թուրքիան կիսով չափ միայն մեկն է կարողացել իրականցնել, այն էլ փաստորեն ոչ թե իր միջոցներով այլ՝ «Սիրիայի ազատ բանակ» խմբավորման:
Բացի դրանից ասվում է, որ Թուրքիայի համար չափազանց բացասական հանգամանք է, որ ԺՊՈՒ-ն իր հարաբերություննները թե Ռուսաստանի և թե ԱՄՆ-ի հետ ավելի է ուժեղացրել: Եվ այդ առումով ԺՊՈՒ-ն հանդիսանում է երկու գերտերությունների դաշնակիցը տարածաշրջանում:
Վերլուծելով մի շարք հանգամանքներ՝ նա գալիս է այն եզրահանգման, որ «Եփրատի վահան»-ը ավարտվել է ոչ թե Թուրքիայի, այլ Ռուսաստանի և ԱՄՆ-ի որոշմամբ:
Գործողության ավարտը վերլուծաբանը պայմնավորում է այն հանգամանաքով, որ թե Ռուսաստանը և թե ԱՄՆ-ն չէին ցանկանում, որ Թուրքիան առաջ շարժվեր դեպի քրդերի վերահսկողության տակ գտնվող Մանբիչ քաղաք: Ի դեպ, վերջինիս ուղղությամբ շարժվելու ցանկություն էին հայտնել Թուրքիայի իշխանությունները, քանի որ ըստ իրենց դա նույնպես անվտանգության հարց էր:
Այս ենթաբաժնի վերջին նորությունները
Թուրքիայի քաղաքական դաշտը վերջին շրջանում նոր լարվածության է հասել Ստամբուլի քաղաքապետ, ընդդիմադիր գործիչ Էքրեմ Իմամօղլուի ձերբակալման հետևանքով:
Փաստացիորեն երկու տասնյակից ավելի նյութերում շրջանառվել են հայկական թեզերը։
Ֆաթիհ Ջեյլանը նշում է, որ Թուրքիան պիտի առավելագույն ջանք գործադրի խաղաղության համաձայնագիրը որքան հնարավոր է շուտ ստորագրելու համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |