Մաշալյանը և Աթեշյանը հանդիպել են Ստամբուլի փոխնահանգապետի հետ

Հասարակական13:54, 31 Մարտ 2017

Մաշալյանը և Աթեշյանը հանդիպել են Ստամբուլի փոխնահանգապետի հետ

Պոլսո հայոց պատրիարքարանի հոգևոր խորհրդի ատենապետ Սահակ եպիսկոպոս Մաշալյանը, Արամ արքեպիսկոպոս Աթեշյանը, Տրդատ քահանա Ուզունյանը հանդիպել են Ստամբուլի փոխնահանգապետ Ազիզ Մերջանի հետ: «Ակօս» շաբաթաթերթը տեղեկացնում է, որ Մերջանի հետ քննարկվել է Հայոց պատրիարքի ընտրությունների շուրջ ստեղծված իրավիճակը:

Նշենք, որ մարտի 15 տեղի էր ունեցել տեղապահի ընտրություն, որին սակայն միջամտել էր նահանգապետարանը: Փոխնահանգապետ Մերջանի ստորագրությամբ գրության մեջ նշվում էր, որ պատրիարքի ընտրությունների անցկացումը իրավականորեն հնարավոր չէ:

Մաշալյանը, հանդիպման մանրամասները ներկայացնելիս հայտնել է, որ փոխնահանգապետը կրկնել է նախագահ Ռեջեփ Թայիփ Էրդողանի խոսքերը, որ նա ասել էր Սուրբ Փրկիչ հիվանդանոցի նախագահ Պետրոս Շիրինօղլուի հետ հանդիպման ժամանակ: Ըստ այդմ՝ խնդիրը կքննարկվի ապրիլի 16-ին կայանալիք հանրաքվեից հետո: Բացի այդ Մերջանը հոգևորականներին հայտնել է, որ նահանգապետարանը Հայոց պատրիարք Մեսրոպ Մութաֆյանին հանգստյան կոչելու և նոր ընտրություններ անցկացնելու որոշման մասին որևէ ծանուցում չի ստացել:

Հիշեցնենք, որ մարտի 15-ին տեղի ունեցած տեղի ընտրություններում 23-ը 11-ի հարաբերակացությամբ հաղթել էր Գերմանիայի հայոց թեմի առաջնորդ Գարեգին արքեպիսկոպոս Բեքչյանը:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։