Հասարակական08:20, 01 Ապրիլ 2017
Hurriyet. «Հանելուկ կա, երեխաներ. ինչպե՞ս կքվեարկի Աբդուլլահ Գյուլը»
Ապրիլի 16-ին Թուրքիայում անցկացվելու է սահմանադրական փոփոխությունների վերաբերյալ հանրաքվե, որի արդյունքում կորոշվի Թուրքիան մնալու է խորհրդարանական երկիր, թե անցում է կատարելու պետական կառավարման համակարգի նախագահական մոդելին:
«Hurriyet» պարբերականում սյունակ վարող, թուրք անվանի լրագրող և վերլուծաբան Ահմեթ Հաքանը անդրադարձել է Թուրքիայի նախկին նախագահ Աբդուլլահ Գյուլին և առաջիկա հանրաքվեին նրա մասնակցությանը: «Հանելուկ կա, երեխաներ. ինչպե՞ս կքվեարկի Աբդուլլահ Գյուլը» հոդվածում հիշեցնում է, որ երկրի կառավարման նախագահական համակարգի վերաբերյալ Գյուլը դեռ 2015 թվականին բառացիորեն ասել էր հետևյալը.
«Թուրքական տիպի նախագահական համակարգ ունենալու անհրաժեշտություն չկա: Եթե դա կլինի այնպես, ինչպես Միացյալ Նահանգներում է, որտեղ իշխանությունների տարանջատումը պարզորոշ և հստակ ամրագրված է: Եվ եթե լինի առաջադեմ ժողովրդավարական արժեքների վրա հիմնված օրենքի գերակայություն, ապա անկասկած դա կլինի դեմոկրատական համակարգ»:
Հաքանը նկատել է տալիս, որ հիմա շատ են ենթադրություններ կամ հարցադրումներ անում Թուրքիայի նախկին նախագահների հնարավոր դիրքորոշումների մասին: Ինչպես օրինակ. եթե Աթաթուրքը կենդանի լիներ, այո կասե՞ր, թե՞ ոչ: Կամ եթե ողջ լիներ Օզալը, կհամաձայնե՞ր արդյոք: Իսկ ի՞նչ մոտեցում կունենար Դեմիրելը, եթե մահացած չլիներ: Թյուրքեշը հիմա եթե ապրելիս լիներ, հանրաքվեում այո-ական կլինե՞ր, թե՞ ոչ-ական:
«Այսպես անվերջ կարող ենք ենթադրություններ անել,- գրում է Հաքանը,- ահա խնդրեմ, նրանցից մեկը ողջ է ու մեր կողքին է՝ Աբդուլլահ Գյուլը: Արդեն կարդացիք իր ասածը 2015 թվականին: Դե հիմա ասացեք ինձ խնդրում եմ, Աբդուլլահ Գյուլի քվեն այո՞ կլինի, թե՞ ոչ»:
Այս ենթաբաժնի վերջին նորությունները
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրակարգում են եղել երկկողմ, տարածաշրջանային և համաշխարհային նշանակության հարցեր։
Վաշինգտոնը շարունակում է ճնշում գործադրել Թուրքիայի վրա, որպեսզի Անկարան Ռուսաստանին չօգնի շրջանցել սահմանված պատժամիջոցները:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
«Թուրքիայի արտահանողների միության» նախագահի պաշտոնակատար Ահմեդ Գյուլեչն անդրադարձել է Թուրքիայի կողմից ԱՄՆ-ում կատարված ներդրումներին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |