Թուրքիայում ռազմական հեղաշրջման փորձից հետո մինչ այժմ ձերբակալվել է 113.260 մարդ

Իրավական14:03, 03 Ապրիլ 2017

Թուրքիայում ռազմական հեղաշրջման փորձից հետո մինչ այժմ ձերբակալվել է 113.260 մարդ

Թուրքիայի ներքին գործերի նախարար Սուլեյման Սոյլուն հայտարարել է, որ մինչև հիմա գյուլենականների հետ կապ ունենալու մեղադրանքով Թուրքիայում բերման է ենթարկվել 113.260 մարդ: Ըստ թուրքական «Mynet.com» լրատվամիջոցի` այդ մասին Սոյլուն հայտնել է լրագրողների հետ հանդիպման ժամանակ:

Ըստ նախարարի տվյալների`այս պահին գյուլենականների հետ կապ ունենալու մեղադրանքով կա 47.155 կալանավորված, որից 10.732-ը ոստիկան է, 7463-ը զինվորական (այդ թվում՝ 168 գեներալ), 2.575-ը դատավոր և դատախազ, 26.177 հազարն էլ՝ քաղաքացիականներ, 208-ն էլ գործարարներ: Եվս 863 հոգի էլ փախուստի մեջ են գտնվում:

Սոյլուի խոսքերով բերման ենթարկվածներից 23.861 մարդ ազատ է արձակվել, ազատ արձակված ևս 41.499 անձանց վերաբերյալ պայմանական պատիժ է կիրառվել:

Հիշեցնենք, որ իսլամի քարոզիչ , ամերիկաբնակ Ֆեթթուլահ Գյուլենը մեղադրվում է Թուրքիայում հուլիսի 15-ին տեղի ունեցած ռազմական հեղաշրջման փորձը կազմակերպելու մեջ: Թուրքական իշխանությունները ԱՄՆ-ից պահանջում են նրա արտահանձնումը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։