Մաշալյան. Աթեշյանը և Շիրինօղլուն խեղաթյուրում են փոխնահանգապետի խոսքերը

Հասարակական13:06, 05 Ապրիլ 2017

Մաշալյան. Աթեշյանը և Շիրինօղլուն խեղաթյուրում են փոխնահանգապետի խոսքերը

Պոլսի հայոց պատրիարքության հոգևոր խորհրդի ատենապետ Սահակ եպիսկոպոս Մաշալյանը նոր հայտարարություն է տարածել՝ մանրամասներ ներկայացնելով Ստամբուլի փոխնահանգապետ Ազիզ Մերջանի հետ հանդիպումից:

«Ակօս» շաբաթաթերթի տեղեկացմամբ՝ Մաշալյանը նշել է, որ Մերջանի հետ հանդիպումը խեղաթյուրված է ներկայացվում համայնքում: Ըստ այդմ՝ Պոլսի հայոց պատրիարքի փոխանորդի պաշտոնը զբաղեցնող Արամ արքեպիսկոպոս Աթեշյանի և Սուրբ Փրկիչ հիվանդանոցի հիմնադրամի նախագահ Պետրոս Շիրինօղլուի պնդմամբ՝ փոխնահանգապետ Մերջանն իբրև թե ասել է, որ Արամ Աթեշյանը կմնա փոխանորդի պաշտոնում մինչև նոր պատրիարքի ընտրությունը: Մաշալյանը հերքել է Աթեշյանի և Շիրինօղլուի պնդումները՝ դրանք անհեթեթյուն անվանելով:

«Մարտի 31-ին նահանգապետարանում Ազիզ Մերջանի և մեր հոգևորականներից բաղկացած պատվիրակության հանդիպման ժամանակ նման հայտարարություն չի հնչել: Ազիզ Մերջանը մեզ հետևյալն է հաղորդել. «Պետության համար պատրիարքի ընտրության գործընթացը դեռ չի սկսվել: Այդ իսկ պատճառով պետությունը Արամ Աթեշյանին է ճանաչում որպես պատրիարքի փոխանորդ»:

Մաշալյանը խնդրել է, որ եթե պետական մարմիններն այլ հանդիպումների ժամանակ հայտարարել են մինչև պատրիարքի ընտրություններն միայն Աթեշյանին ճանաչելու մասին, ապա իրավասու մարմինները բացատրեն այդ հայտարարության սահմանադրական և իրավական հիմքերը:

Իր խնդրանքը Մաշալյանը հետևյալ կերպ է պարզաբանել.

«1. Երբ ընտրական գործընթաց է սկսվում, նշանակում է, որ պատրիարքական աթոռը թափուր է: Երբ չկա պատրիարք, ապա վերանում են նաև փոխանորդի պաշտոնը և բոլոր լիազորությունները: Այդ ժամանակ հոգևոր խորհուրդը և հոգևորականների համագումար խորհուրդը գործի անցնելով տեղապահ է ընտրում: Սա իրավունք և գործառույթ է, որը հատուկ է կրոնական ասպարեզին:

2. Պատրիարքի փոխանորդին ընտրել է եկեղեցու համագումար խորհուրդը, և նրա իրավասությունները դադարեցնելու իրավունքը նույնպես այդ խորհրդին է պատկանում: Սա էլ եկեղեցու և հոգևորականների օրենքն է: Աշխարհիկ պետությունը կրոնական իրավունքը չի կարող խլել հոգևոր խորհրդի ձեռքից:

3. Հոգևոր խորհուրդը և հոգևորականների համագումար խորհուրդը մեծ դերակատարում ունեն ներկայացուցչական պատվիրակաությունը ձևավորելու և պատրիարքի ընտրության խորհրդի հոգևորական պատվիրականերին հաստատելու գործում: Ամբողջ այս գոծընթացները գործառույթներ են, որոնք վերաբերում են կրոնական ասպարեզին, և որից պետությունը պետք է հեռու մնա»:

Ըստ Մաշալյանի՝ վերոնշյալ իրականության պայմաններում Աթեշյանի և Շիրինօղլուի հայտարարությունները շատ վտանգավոր մարտահրավերներ են պարունակում, ինչպիսիք են՝ պետությանը ներքաշել կրոնական գործերի մեջ, որոնց նա չպետք է խառնվի, արհամարհել հոգևոր խորհրդի իշխանությունն ու լիազորությունները, լեգիտիմացնել պետության կոպիտ միջամությունը:

«Մեր պատվիրակությունը նահանգապետարանում ականատես եղավ պետության արժանապատիվ վերաբերմունքին և լրջությանը: Ես բողոքում եմ պետության ներկայացուցիչներին մեր համայնքի անլուրջ ներկայացուցիչների դեմ, որոնք ցանկանում են նման անլուրջ պնդումները վերագրել պետությանը: Քանի որ նրանք վնաս են հասցնում մեր երկրի իմիջին, հանցանք են գործում խեղաթյուրված հայտարարություններով, խոսքով և վարքով, որոնք տպավորություն են ստեղծում, թե պետությունը զրկում է մեզ կրոնական ազատություններից ու իրավունքներից: Այս երկրում քրիստոնյաները կրոնի և խղճի ազատություն ունեն և դա երաշխավորված է Սահմանադրությամբ: Մեր մաղթանքն է, որ մեր համայնքի որոշ անպատասխանատու անհատներ դա չվտանգեն»:

Սահակ եպիսկոպոս Մաշալյան
Հոգևոր խորհրդի ատենապետ

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։