Թուրքիայի դատախազությունն արգելել է քրդամետ կուսակցության բրոշյուրները

Իրավական10:31, 14 Ապրիլ 2017

Թուրքիայի դատախազությունն արգելել է քրդամետ կուսակցության բրոշյուրները

Թուրքիայի Չուքուրջայի հանրապետական գլխավոր դատախազությունը արգելել է քրդամետ «Ժողովուրդների դեմոկրատական կուսակցության» (HDP-ԺԴԿ) քրդերեն բրոշյուրները:

Թուրքական «Demokrathaber» լրատվական կայքի տեղեկացմամբ՝ կուսակցությունը բրոշյուրները տպագրել էր ապրիլի 16-ին կայանալիք սահմանադրական հանրաքվեի դեմ քարզչության նպատակով: Ըստ Թուրքիայի դատախազության՝ բրոշյուրները «ահաբեկչական խմբավորումների օգտին քարոզչություն» են պարունակում են:

«Demokrathaber»-ը, ներկայացնելով դատախազության գնահատականները բրոշյուրի բովանդակության վերաբերյալ, հայտնում է, որ բրոշյուրում ԺԴԿ-ի համանախագահներ Սելահաթթին Դեմիրթաշի և Ֆիգեն Յուքսեքդաղի կալանավորման վերաբերյալ քննադատությունը, դատախազությունը սխալ թարգմանելու հետևանքով այլ կերպ է ներկայացրել: Անդրադառնալով բրոշյուրում քրդական կազմակերպութունների փակման մասին տեղեկություններին՝ դատախազությունը նշել է, թե դրանք լրատվական կազմակերպություններ են եղել, որոնք փակվել են «Քուրդիստանի բանվորական կուսակցության» (PKK-ՔԲԿ) հետ սերտորեն կապված լինելու պատճառով:

Բրոշյուրում «Ջիզրեն, Սուրը, Նուսայբինը, Շըրնաքը, Սիլվանը, Իդիլը և Յուքսեքովան ավերեցին» ու «Ռոբոսկիում և Ջիզրեում տեղի ունեցած հանցագործությունների գործով դատական վճիռ չկայացվեց» նախադասությունները դատախազության կողմից բոնորոշվել են իբրև «քարոզչություն ահաբեկչական կազմակերպությունների օգտին»:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։