Միջազգային11:23, 20 Ապրիլ 2017
Նոր լարվածություն Գերմանիայի և Թուրքիայի միջև
Թուրքիայի և Գերմանիայի միջև ծագած քաղաքական լարվածությունը իր ազդեցությունն է ունեցել նաև առևտրատնտեսական հարաբերությունների վրա: Թուրքական «Ekonomi.haber.com» լրատվակայքի տեղեկացմամբ՝ կողմերի միջև նոր խնդիր է ծագել ռազմարդյունաբերության ոլորտում:
Արդեն երկար ժամանակ է՝ Գերմանիայի խորհրդարանը թույլտվություն չի տրամադրում գերմանական խոշորագույն ռազմարդյունաբերական ընկերությանը՝ «Rheinmetall»-ին, որը մտադիր է Թուրքիայում տանկ արտադրող գործարան հիմնել:
Ենթադրվում է, որ խորհրդարանական հանձնաժողովոը առաջիկայում ևս կմերժի այդ նախաձեռնությունը: Պատճառն այն է, որ գերամանցի պաշտոնյաները մտավախություն ունեն, թե գերմանական տեխնոլոգիաներով հագեցած ռազմամթերքը կարող է օգտագործվել Թուրքիայի հարավ-արևելքում՝ «Քուրդիստանի բանվորական» կուսակցության (ՔԲԿ-PKK) դեմ մարտական գործողությունների ժամանակ:
«Rheinmetall»-ի նախագծի հետ կապված վերջնական որոշումը Գերմանիայի կառավարությունը կհրապարակի ապրիլի 26-ին:
Գերմանիայի էկոնոմիկայի նախարարության խոսնակը նշել է, որ Թուրքիայում գործարան հիմնելու համար գերմանական ընկերությունը որևէ թույլտվության կարիք չունի: Սակայն տեխնոլոգիաների տեղափոխման համար անհրաժեշտ է կառավարության հատուկ թույլտվությունը:
Նշենք նաև, որ գերմանական «Rheinmetall» և «Kraus Maffei» ընկերությունները այս պահին հանդիսանում են Թուրքիայի զինված ուժերի արսենալում գտնվող «Leopard 2» տանկի արտադրողները:
2016թ. հուլիսի 15-ի հեղաշրջման փորձից հետո Թուրքիան Գերմանիայից զենք ու զինամթերք գնելու 11 հայտ է ներկայացրել, սակայն Գերմանիայի կառավարությունը մերժել է բոլոր այդ հայտերը: Որպես պատճառաբանություն կրկին նշվել է այն հավանականությունը, որ այդ զենքերը կարող են օգտագործվել Թուրքիայի հարավ-արևելքում տեղի ուենցող ռազմական գործողությունների ժամանակ:
«Rheinmetall»-ի գլխավոր տնօրեն Արմին Պապերգերը տեղեկացրել է, որ «Իսլամական պետության» (ԻՊ-DEAŞ) դեմ պայքարում 10 «Leopard» կորցնելուց հետո Թուրքիան դիմել է իրենց՝ այդ տանկերի համար պաշտպանական համակարգեր գնելու խնդրանքով: Այս պահին գերմանական ընկերության և թուրքական կողմի միջև նշյալ պայմանագրերի հետ կապված բանակցությունները շարունակվում են: Պապերգերը տեղեկացրել է նաև, որ Թուրքիայում հիմնվելիք գործարանում «Rheinmetal»-ը պատրաստվում է արտադրել իր մշակած «Hard Kili» անվամբ պաշտպանական համակարգերը:
Այս ենթաբաժնի վերջին նորությունները
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
ԱՄՆ նորընտիր նախագահ Դոնալդ Թրամփը նրան առաջադրել է «Medicare» և «Medicaid» ծառայությունների կենտրոնի ղեկավարի պաշտոնի համար։
Ստորագրահավքի արդյունքները ներկայացվելու են Թուրքիայի խորհրդարան (մեջլիս):
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքիայի ներքին գործերի նախարար Ալի Յերլիքայան սոցցանում գրառում է արել երկրում ներգաղթյալների թվաքանակի վերաբերյալ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |