PISA. Թուրք աշակերտները աշխարհում ամենադժբախտն են

Հասարակական09:59, 21 Ապրիլ 2017

PISA. Թուրք աշակերտները աշխարհում ամենադժբախտն են

«Տնտեսական համագործակցության և զարգացման կազմակերպության» (OECD) կողմից անցկացվող «Աշակերտների միջազգային գնահատման ծրագրի» (PISA) շրջանակներում հրապարակվել է 3 զեկույց` որոնցում ներկայացվում է ուսումնասիրություն՝ աշխարհի տարբեր երկրներում աշակերտների կարգավիճակի վերաբերյալ :

Թուրքական «Demokrathaber» լրատվամիջոցը նշում է, որ զեկույցների համաձայն` ամենադժբախտ ուսանողները ապրում են Թուրքիայում, իսկ ամենաերջանիկները` Մեքսիկայում, Ֆինլադիայում և Նիդերլանդներում: Ծրագրին մասնակցել է 72 երկրից շուրջ 540 հազար ուսանող:

Ծրագրի ընթացքում ուսումնասիրվել են աշակերտների՝ դպրոցում արձանագրած ուսումնական հաջողությունները, ընկերների և ուսուցիչների հետ հարաբերությունները և թե ինչպես են նրանք իրենց ժամանակը անցկացնում դպրոցից դուրս, նաև ընտանիքում:

Ոսումնասիրությունների արդյունքում պարզվել է, որ Թուրքիան զբաղեցնում է վերջին տեղը «կյանքից գոհ» աշակերտների ցուցակում: Թուրքիան ստացել է ընդամենը 6.12 միավոր`10 հնարավորից:

Նշվում է նաև, որ Թուրքիան Իտալիայից հետո երկրորդ երկիրն է, որտեղ աշակերտները դաս սովորելու ժամանակ սթրես են ապրում (56 տոկոս):

Բացի դրանից Թուրքիայի դպրոցներում բարձր է նաև բռնության ցուցանիշը: Հարցված աշակերտների 18.6 տոկոսը ասել է, որ ամսվա մեջ մի քանի անգամ բռնության է ենթարկվում:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։