Թուրքիայում ձերբակալված իտալացի լրագրողին արտաքսել են երկրից

Իրավական08:36, 24 Ապրիլ 2017

Թուրքիայում ձերբակալված իտալացի լրագրողին արտաքսել են երկրից

Ապրիլի 9-ին Թուրքիայի Հաթայ (Ալեքսանդրետ) նահանգում ձերբակալված իտալացի լրագրող Գաբրիել Դել Գրանդեն ազատ է արձակվել: Ըստ թուրքական «Haberler» լրատվամիջոցի` այդ մասին հայտարարել է Իտալիայի արտաքին գործերի նախարար Անջելինո Ալֆանոն իտալական «Rai News» հեռուստաալիքի հետ զրույցում:

Աղբյուրը նշում է, որ լրագրողն ապրիլի 24-ին Թուրքիայից արտաքսվել է Իտալիա:

«Գաբրիելե Դել Գրանդեն ազատ է արձակված, նրա հետ խոսել եմ: Նա Իտալիա է վերադառնում: Երջանկություն զգացի, երբ այդ մասին հայտնեցի նրա ընտանիքին: Մենք նրան սպասում ենք: Այս որոշման մասին այս գիշեր ինձ տեղեկացրեց գործընկերս` Մևլութ Չավուշօղլուն»,-ասել է Ալֆանոն:

Արտգործնախարարն ասել է, որ լրագրողին ազատ արձակելու նպատակով իրենք օգտագործել են իրենց ունեցած դիվանագիտական կապերը: Նաև շնորհակալություն է հայտնել այն մարդկանց, ովքեր իրենց ներդրումն են ունեցել լրագրողի ազատ արձակման գործում:

Իտալացի լրագրողը Թուրքիա էր մեկնել` Սիրիայի քաղաքացիական պատերազմի և «Իսլամական պետություն» ահաբեկչական խմբավորման ծագման մասին իր նոր գրքի համար որոշ նյութեր պատրաստելու նպատակով:

Ավելի վաղ Գաբրիել դել Գրանդեն մի քանի անգամ եղել էր Թուրքիայում նույն գրքի հետ կապված աշխատանքների շրջանակներում: Նա հայտնի է նաև Միջերկրական ծովով գաղթականների հոսքի թեմայով իր ուսումնասիրություններով, որոնք տարիներ շարունակ հրապարակվել են Գրանդեի «Fortress Europe» խորագրով բլոգում:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։