Պաշտոնական Անկարան արձագանքում է Երևանում թուրքական դրոշի այրմանը

Ցեղասպանություն08:01, 25 Ապրիլ 2017

Պաշտոնական Անկարան արձագանքում է Երևանում թուրքական դրոշի այրմանը

Թուրքիային վրդովեցրել է Երևանում ապրիլի 23-ին Հայոց ցեղասպանության տարելիցի կապակցությամբ ավանդական դարձած Ջահերով երթի ընթացքում թուրքական դրոշը այրելու հանգամանքը:
Մասնավորապես, Թուրքիայի արտաքին գործերի նախարարությունը հանդես է եկել հայտարարությամբ, որում ասվում է.
«Դրոշը խորհրդաշնում է ազգի հիմնարար արժեքները, հավատքն ու ազատությունը: Որպես թուրք ազգի գոյության խորհրդանիշ ընկալվող մեր դրոշի նկատմամբ իրականացված այդ արարքը մեր հասարակությունը ընդունեց մեծ վրդովմունքով: Թուրք ազգի անկախությունն ու ազատությունը ներկայացնող մեր դրոշի նկատմամբ արված այդ նենգ քայլը խստորեն քննադատում ենք»:

Նշենք, որ ամեն տարի ապրիլի 23-ին Ազատության հրապարակում երիտասարդները այրում են Թուրքիայի դրոշը, ապա ջահերով երթ անում դեպի Ծիծեռնակաբերդ՝ Հայոց ցեղասպանության տարելիցի կապակցությամբ:

Աղբյուր` Ermenihaber.am

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։