Հոդված08:10, 26 Ապրիլ 2017
Թուրք վերլուծաբան. «Հայկական և քրդական հարցերը Էրդողանից բացի ոչ ոք չի կարող լուծել»
Թուրքական «Sabah» իշխանամետ թերթի վերլուծաբան Ռասիմ Օզալ Քյութահյալըն անդրադարձել է Թուրքիայի նախագահ Ռեջեփ Թայիփ Էրդողանի` ապրիլքսանչորսյան ուղերձին` այն բնութագրելով «շատ ազդեցիկ ու խղճով»:
«Հասկանալ Էրդողանի 1915-ի ուղերձը» հոդվածում Քյութահյալըն պնդում է, որ այդ ուղերձի ամեն մի բառը խնամքով ընտրված է տեքստի ամենակարևոր հատվածը համարելով հետևյալը.
«Կրկին հիշում եմ 20-րդ դարասկզբին իրենց կյանքը զոհած օսմանցի հայերին։ Ալլահին խնդրում եմ, որ խաղաղություն պարգևի 1-ին համաշխարհային պատերազմի դժվարին պայմաններում մահացած միլիոնավոր օսմանյան քաղաքացիների հոգիներին»։
«Մեր երկրում հայ համայնքի խաղաղությունը, անվտանգությունը և երջանկությունը մեզ համար առանձնահատուկ կարևորություն ունի։ Մենք չենք հանդուրժի մեր հայ քաղաքացիներից որևէ մեկի օտարացումը, մեկուսացումը կամ խորթ քաղաքացու լինելու զգացողությունը»։
Հոդվածում ասվում է, որ Էրդողանը առաջինն էր, ով 2014-ի ուղերձով կոտրեց հին Թուրքիայի ֆաշիստական մտածողության կարծրատիպը: 2014-ին պարզ դարձավ, որ այլևս չի կարող այս հարցում վերադարձ լինել նախկին կարծրատիպային մոտեցմանը:
Հեղինակի խոսքով Էրդողանի շնորհիվ արդեն ոչնչացվել է քեմալիզմի վերջին տաբուն հանդիսացող 1915-ի ժխտումը, և այս տարի ևս կրկին պարզ դարձավ, որ այլևս անցյալին վերադարձ չի կարող լինել:
«Թուրքիան կայսրության իրավահաջորդ երկիր է, իսկ Էրդողանը այդ կայսերական ուղեգծին հետևող պետական գործիչ է:
...երիտթուրքերից մնացած ժխտողական զառանցանքները միայն փոքրացնում են մեր երկիրը: 1915-ին ֆաշիստ իթթիհաթականների կոտորածին զոհ գնացած հայերի թոռներին ևս մեկ անգամ ողջ ժողովրդով ցավակցում ենք»,- գրել է Քյութահյալըն:
Վերջում թուրք վերլուծաբանը պնդել է, թե հայկական և թե քրդական հարցը Էրդողանից բացի որ ոք չի կարող լուծել:
«Իհարկե 102-րդ տարվա հետ մեկտեղ կրկին փոխադարձ ֆանատիկությունից բխող դժվարություններ, «մակընթացություններ ու տեղատվություններ» կլինեն: Սակայն Էրդողանը, որին ընդունում է թուրք ժողովրդի մեծամասնությունը, մինչ այսօր կարողացել է հաղթահարել բոլոր տեսակի դժվարությունները: Էրդողանը ոչ թե ժողովրդին հետևից հրող, այլ հակառակը` հասարակությանը առաջնորդող և հարկ եղած դեպքում ժողովրդին համոզող առաջնորդի կերպար է: Ահա այդ պատճառով և՛ քրդական հարցը, և՛ հայկական հարցը էրդողանից բացի ոչ ոք չի կարող լուծել: Մեր խելամիտ հայ և քուրդ քաղաքացիները սա պետք է հասկանան»,- եզրափակվում է հոդվածը:
Այս ենթաբաժնի վերջին նորությունները
Թուրքիայի քաղաքական դաշտը վերջին շրջանում նոր լարվածության է հասել Ստամբուլի քաղաքապետ, ընդդիմադիր գործիչ Էքրեմ Իմամօղլուի ձերբակալման հետևանքով:
Փաստացիորեն երկու տասնյակից ավելի նյութերում շրջանառվել են հայկական թեզերը։
Ֆաթիհ Ջեյլանը նշում է, որ Թուրքիան պիտի առավելագույն ջանք գործադրի խաղաղության համաձայնագիրը որքան հնարավոր է շուտ ստորագրելու համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
ԱՄՆ նախագահը Սպիտակ տանն Իսրայելի վարչապետ Բենիամին Նեթանյահուի հետ հանդիպման ընթացքում խոսել է Սիրիայում Թուրքիայի ունեցած դերի մասին:
Ռուսաստանի արտգործնախարար Սերգեյ Լավրովը ապրիլի 12-ին կմեկնի Թուրքիա՝ մասնակցելու դիվանագիտական ֆորումին։
ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Թուրքական մամուլում Նեթանյահուի խոսքերը որակվել են որպես Թուրքիային ուղղված կոչ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |