Թուրքիան 4 հորիզոնականով վատացրել է դիրքերը մամուլի ազատության ինդեքսում

Հասարակական10:23, 26 Ապրիլ 2017

Թուրքիան 4 հորիզոնականով վատացրել է դիրքերը մամուլի ազատության ինդեքսում

«Լրագրողներ առանց սահմանների» միջազգային իրավապաշտպան կազմակերպությունը հրապարակել է մամուլի ազատության վերաբերյալ իր ամենամյա զեկույցը:

Ըստ թուրքական «Demokrathaber.org» լրատվական կայքի` 2017 թվականի վարկանիշային ցուցակում Թուրքիան 4 հորիզոնականով զիջել է դիրքերը`180 երկրների շարքում զբաղեցնելով 155-րդ հորիզոնականը: Աղբյուրը նշում է, որ Թուրքիային ընդամենը 4 հորիզոնական է բաժանում ինդեքսի «սև ցուցակում» հայտնվելուց, որտեղ հանգրվանում են այն երկրները, որոնցում մամուլի ազատությունը առավել վատթար վիճակում է: Այս տարի նախորդ տարվա նման Թուրքիան հայտնվել է «լրագրությամբ զբաղվելը դժվար եղող երկրներ»-ի ցանկում:

Նշվում է, որ վերջին 12 տարվա մեջ Թուրքիան մամուլի ազատության վարկանիշում 56 հորիզոնականով հետընթաց է գրանցել:

Թուրքիայի համար առանձին բաժին տրամադրած զեկույցում երկիրը որակվում է որպես մամուլի ազատության առումով աշխարհի ամենավախեցնող երկրներից: Նշվում է, որ 2016-ի հուլիսի 15-ին տեղի ունեցած հեղաշրջման փորձից հետո առավել սաստկացել են հետապնդումները ընդդիմադիր մամուլի նկատմամբ: Երկրում հայտարարված արտակարգ իրավիճակի շրջանակներում պատկան մարմինները ամեն ամիս տասնյակ լրատվամիջոցներ են փակում, իսկ ընդդիմադիր «ձայներին» ուղղորդում են դեպի ավելի քիչ վաճառվող թերթեր:

Խոսվում է նաև ձերբակալված լրագրողների մասին, որնց թվով թուրքիան առաջինն է աշխարհում: Թուրքիան բնութագրվում է որպես լրագրողների ամենամեծ բանտն աշխարհում:

Նշենք, որ Հայաստանը ևս այս անցյալ տարվա համեմատ 4 կետով անկում է գրանցել` հայտնվելով 79-րդն հորիզոնականում:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։