Տարածաշրջան10:34, 04 Մայիս 2017
2016թ. Թուրքիայում 68 տոկոսով աճել է մարդկանց առևտրից տուժածների թիվը
Թուրքիայի ներքին գործերի նախարարության միգրացիայի կառավարման գլխավոր վարչությունը զեկույց է հրապարակել 2016թ. միգրացիոն հոսքերի վերաբերյալ:
Թուրքական իշխանամետ «Yeni Şafak» թերթի կայքի տեղեկացմամբ՝ 2006-2014թթ. ցամաքային, ծովային և օդային ճանապարհով Թուրքիա մուտք գործող օտարերկրացիների թիվը անդադար աճել է: 2006թ. Թուրքիա է մուտք գործել 18 մլն 916 հազ. 904 օտարերկրացի, իսկ 2014թ.՝ 35 մլն 115 հազ. 789 մարդ:
2016թ. Թուրքիա ժամանող օտարերկրացիներ թիվը փոքր-ինչ նվազել է՝ հասնելով 24 մլն 686 հազ. 471-ի: Եվս 18.294 մարդու մուտքը Թուրքիա արգելվել է՝ տարբեր տեխնիկական խնդիրների պատճառով:
2016թ. ընթացքում Թուրքիայում բնակության իրավունք է տրվել 461.217 օտարերկրացու, 2015թ. համեմատ այս ցուցանիշը աճել է 9 տոկոսով:
2016թ. Թուրքիայում 68 տոկոսով աճել է մարդկանց առևտրից տուժածների թիվը՝ հասնելով 181-ի: 2005-2016թթ. տուժածների ընդհանուր թիվը կազմում է 1427: Նույն ժամանակահատվածում Թուրքիայում բացահայտվել են մարդկանց առևտրով զբաղվող 2.299 օրինախախտ:
2016թ. Թուրքիան կանխել է 174.466 գաղթականի անօրինական տեղաշարժը, ինչը 19 տոկոսով գերազանցում է 2015թ. ցուցանիշը: 2005-2016թթ. ընդհանուր առմամբ կանխվել է 817.863 գաղթականի անօրինական տեղաշարժը:
Ծովային ճանապարհով գաղթականների անօրինական տեղաշարժերի ընթացքում 2016թ. զոհվածների թիվը նվազել է 29 տոկոսով՝ հասնելով 192-ի:
Թուրքիայի և ԵՄ-ի միջև կնքված փախստականների հոսքի կանխարգելման մասին պայմանագրի շրջանակներում 2016թ. Թուրքիայից Գերմանիա է տեղափոխվել 1065, Հոլանդիա՝ 456, Ֆրանսիա՝ 433 սիրիացի փախստական:
Այս ենթաբաժնի վերջին նորությունները
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Թուրքական թերթը գրում է, որ Թուրքիայում ահաբեկչական ճանաչված «Քուրդիստանի բանվորական կուսակցությունը» առաջիկայում ինքնալուծարվելու է:
Կողմերը քննարկել են Օմանում կայացած ԱՄՆ-Իրան բանակցությունները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Region Monitor-ի բացառիկ հարցազրույցն իրանցի պրոֆեսոր, միջազգային հարցերով վերլուծաբան, Սաադոլլահ Զարեիի հետ։
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |