Շիրինօղլուն ցանկանում է հանդիպել Էրդողանի հետ՝ քննարկելու պատրիարքի ընտրության հարցը

Հասարակական09:29, 04 Մայիս 2017

Շիրինօղլուն ցանկանում է հանդիպել Էրդողանի հետ՝ քննարկելու պատրիարքի ընտրության հարցը

«Ակօս» շաբաթաթերթը տեղեկացնում է, որ Էրդողանի՝ պատրիարքի ընտրություններին անդրադառնալուց հետո Սուրբ Փրկիչ հայկական հիվանդանոցի հիմնադրամի նախագահ Պետրոս Շիրինօղլուն ծրագրում է հանդիպել նախագահ Էրդողանի հետ:

Շիրինօղլուն վստահ է, որ ընտրությունները կանցկացվեն կարճ ժամանակում, պարզապես պետք է համբերատար լինել:

Իսկ Կոստանդնուպոլսի Հայոց պատրիարքության հոգևոր խորհրդի ատենապետ Սահակ եպիսկոպոս Մաշալյանը պատրիարքի ընտրությունների հարցը քննարկել է պատրիարքի փոխանորդի պաշտոնը զբաղեցնող Արամ արքեպիսկոպոս Աթեշյանի հետ: Մաշալյանն այս հանդիպման, նախագահ Ռեջեփ Թայիփ Էրդողանի ապիլքասանչորսյան ուղերձում պատրիարքի ընտրությունների վերաբերյալ անդրադարձի մասին իր տեսակետներն է ներկայացրել «Ակօս» շաբաթաթերթին:

Մաշալյանը դրական է գնահատել Էրդողանի ուղերձում պատրիարքի ընտրություններին կատարված անդրադարձը: Ըստ եպիսկոպոսի՝ Էրդողանի խոսքերը ցույց են տալիս, որ պետությունը որևէ կերպ արգելք չի եղել ընտրությունների առջև, հակառակը՝ խրախուսել է, ինչպես այժմ անում է Էրդողանը:

Սակայն վերջինիս այդ ցանկությունն կարող է այդպես էլ ցանկություն մնալ, եթե հայ համայնքը ընտրությունների ուղղությամբ որևէ քայլ չձեռնարկի, որի ելակետը պետք է լինի եկեղեցական օրենքը: Ըստ Մաշալյանի՝ ի վերջո, սա կրոնական հարց է, որը պետությանը հետաքրքրում է միայն որոշակի հանգրվաններում:

Նա կարծում է, որ մինչ այս տեղի ունեցած գործընթացները՝ պատրիարք Մեսրոպ Մութաֆյանին հանգստյան կոչելը, նոր տեղապահ ընտրելը, ընթացել են եկեղեցական կանոնին համապատասխան:

«Տեղապահի ընտրությունից 10 օր անց ընտրությունները նախապատրաստող պատվիրակություն պիտի ձևավորեինք և պետք է դիմեինք իշխանություններին: Այս կետից է, որ սկսում է պետությանը հետաքրքրող գործընթացը: Սակայն չստացվեց, քանի որ 2016 թվականի հոկտեմբերի 26-ին պատրիարքին հանգստյան կոչելու և աթոռը թափուր հայտարարելու որոշման մասին պետությանը տեղյակ չէր պահվել: Այդ պատճառով է, որ Ստամբուլի փոխնահանգապետը նամակում մարտի 15-ին տեղի ունեցած տեղաահի ընտրություններն անօրինական է համարում»:

Անդրադառնալով Աթեշյանի հետ հանդիպմանը՝ Մաշալյանը նշել է, որ պատրիարքարանում Աթեշյանի հետ մտքեր են փոխանակել նախագահ Էրդողանի նամակի շուրջ: Մաշալյանը Աթեշյանին առաջարկել է հանդիպել պետության ներկայացուցչի հետ և ներկայացնել պատրիարքի աթոռը թափուր հայտարարելու վերաբերյալ բոլոր ուշացված փաստաթղթերը և նամակները:

Հոգևոր խորհրդի ատենապետը նշել է, որ Աթեշյանն իր առաջարկը մերժել է, բացատրելով, թե պետությունն ամեն բան գիտի և հարմար ժամանակ ընտրություններ անցկացնելու թույլտվություն կտա, պետք է սպասել:

«Ես իրեն հիշեցրեցի, որ եթե մենք չցանկանանք, պետությունը մեզ չի ասի, թե դուք պատրիարք պետք է ընտրեք: Մենք այնպայման պետք է գրավոր կերպով ներկայացնենք աթոռը թափուր հայտարարելու, ընտրական գործընթացը սկսելու վերաբերյալ բոլոր փաստաթղթերը: Նա ասաց, որ դա իր պարտականությունը չէ, և ամեն ոք ազատ է իր ցանկացածն անել: Կարծես թե Արամ սրբազանը սպասում է իշխանությունների հետ կատարվելիք երկխոսության արդյունքին»:

Հիշեցնենք, որ ապրիլի 24-ի կապակցության հայ համայնքին և Արամ Աթեշյանին ուղղված ուղերձում Էրդողանն անդրադարձել էր պետրիարքական ընտրություններին. «Ցանկանում եմ, որ Թուրքիայի հայոց պատրիարքի ընտրությունները կարճ ժամանակում հանգուցալուծվեն: Ձեզ հաջողություն եմ մաղթում ձեր աշխատանքներում։»

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։