2017-ի տարեսկզբին Թուրքիայում գործազրկությունը հասել է 12.6 տոկոսի

Տնտեսական12:31, 15 Մայիս 2017

2017-ի տարեսկզբին Թուրքիայում գործազրկությունը հասել է 12.6 տոկոսի

Թուրքիայի վիճակագրական ընկերությունը (ԹՎԸ-TÜİK) հրապարակել է 2017թ. փետրվարի գործազրկության տվյալները: Թուրքական «Demokrathaber.org» լրատվակայքի համաձայն՝ 15 տարեկանից բարձր տարիքի քաղաքացիների շրջանում գործազուրկների թիվը նախորդ տարվա փետրվարի համեմատ աճել է 676.000-ով՝ հասնելով 3 մլն 900.000-ի:

Գործազրկության մակարդակը, այսպիսով, աճել է 1.7 տոկոսով՝ կազմելով 12.6 տոկոս: Նշված ժամանակահատվածում ոչ գյուղատնտեսական ոլորտում գործազրկությունը աճել է 2.1 տոկոսով՝ հասնելով 14.8 տոկոսի: 15-24 տարիքային խմբում գործազրկության մակարդակը աճել է 4.7 տոկոսով՝ կազմելով 23.3 տոկոս, իսկ 15-64 տարիքային խմբում աճել է 1.8 տոկոսով՝ հասնելով 12.9 տոկոսի:

2017 փետրվարին աշխատանք ունեցողների թիվը նախորդ տարվա նույն ամսվա համեմատ աճել է 500.000-ով՝ կազմելով 26 մլն 956.000: Ընդ որում, գյուղատնտեսության ոլորտում աշխատում է աշխատանք ունեցողների 18.7 տոկոսը, արդյունաբերության ոլորտում՝ 19.5 տոկոսը, շինարարությունում՝ 6.7 տոկոսը, սպասարկման ոլորտում՝ 55.2 տոկոսը:

Նշված ժամանակահատվածում աշխատունակ քաղաքացիների թիվն ավելացել է 1 մլն 175.000-ով՝ կազմելով երկրի բնակչության 51.8 տոկոս: Փետրվարի ընթացքում չգրանցված աշխատողների թիվը նախորդ տարվա նույն ամսվա համեմատ աճել է 0.7 տոկոսով՝ կազմելով 32.8 տոկոս:

Աղբյուր` Ermenihaber.am